- 2019-02-15 09:19:03
- ព័ត៌មាន
Di Maria ថាខ្លួនមិនដែលនិយាយអាក្រក់ពី United ម្ដងណាឡើយ
- 2019-02-15 09:19:03
- ចំនួនមតិ 0 | ចំនួនចែករំលែក 0
Di Maria ថាខ្លួនមិនដែលនិយាយអាក្រក់ពី United ម្ដងណាឡើយ
ចន្លោះមិនឃើញ
Angel Di Maria បញ្ជាក់ថាខ្លួនមិនដែលរិះគន់ ឬនិយាយអាក្រក់ម្ដងណាឡើយពីក្លឹបចាស់ Manchester United បើទោះជាមិនទទួលជោគជ័យពេលលេងនៅទីនោះកាលពីអតីតកាលក៏ដោយ។
ខ្សែបម្រើសញ្ជាតិអាហ្សង់ទីនបានបញ្ជូនបាល់ (Assist) ឲ្យមិត្តរួមក្រុមស៊ុតចូលចំនួន២គ្រាប់ឲ្យ Paris Saint-Germain យកឈ្នះ United ២ទល់នឹង០ នៅការប្រកួត Champions League ជើងទីមួយកាលពីថ្ងៃអង្គារ។
Di Maria ផ្ទេរពី Real Madrid ទៅកាន់ទឹកដី Old Trafford ក្នុងតម្លៃ៦០លានផោន និងចំណាយពេល១រដូវកាលនៅទីនោះ ប៉ុន្តែមិនអាចសម្របខ្លួនបាន ថែមទាំងមានបញ្ហារកាំរកូសជាមួយលោក Louis van Gaal។ ពេលត្រឡប់មកក្លឹបចាស់កាលពីដើមសប្ដាហ៍រូបគេគឺជាគោលដៅរបស់អ្នកគាំទ្រក្នុងការស្រែកជេរ, គប់ដបទឹក និងមានទាំងដបស្រាថែមទៀត។
“វាពិតជាពិបាកនឹងប្រឈមមុខជាមួយអ្នកគាំទ្រនៅប៉ុន្មាននាទីដំបូង ប៉ុន្តែខ្ញុំបានដឹងមុនថាបរិយាកាសនេះនឹងកើតឡើង។ ខ្ញុំបាននិយាយតាំងពីដើមមកថា ខ្ញុំមិនដែលបាននិយាយអាក្រក់ពីក្លឹប ឬមនុស្សនៅទីនោះម្ដងណាឡើយ។ វាគ្រាន់តែការចាកចេញកើតឡើងហើយអ្នកគាំទ្រយល់ខុសប៉ុណ្ណោះ"។ Di Maria និយាយដូច្នេះ៕