- 2019-02-13 03:35:08
- ប្រដាល់
មុនហោះម្សិលមិញ ចិត្រា អះអាងថា មិនញញើត Superlek ឡើយ
- 2019-02-13 03:35:08
- ចំនួនមតិ 0 | ចំនួនចែករំលែក 0
មុនហោះម្សិលមិញ ចិត្រា អះអាងថា មិនញញើត Superlek ឡើយ
ចន្លោះមិនឃើញ
ឡៅ ចិត្រា បានចេញដំណើរទៅកាន់ប្រទេសថៃ កាលពីរសៀលថ្ងៃទី១២ ខែកុម្ភៈ ឆ្នាំ២០១៩ ម្សិលមិញ ដើម្បីទៅត្រៀមខ្លួនប្រកួតជាមួយអ្នកប្រដាល់ដៃកម្រិត A របស់ថៃ Superlek នាថ្ងៃទី១៦ ខែកុម្ភៈ ឆ្នាំ២០១៩ ក្នុងកម្មវិធី ONE Championship ។
មុនពេលហោះទៅកាន់ទឹកដីថៃម្សិលមិញអ្នកប្រដាល់មានដើមកំណើតមកពីខេត្តកំពង់ស្ពឺរូបនេះបានឲ្យដឹងថា ខ្លួនមិនញញើតដៃគូសោះឡើយ បើទោះប៉ះដៃគូខ្លាំងដូចជា Superlek ។ ចិត្រា បាននិយាយថា «ខ្ញុំមិនខ្លាចទេបង។ ឡើងទៅដឹងតែវ៉ៃ ពិសេសគឺផ្ដោតតែការវ៉ៃ ទោះប៉ះដៃគូខ្លាំងបែបណាក៏ដោយ។ មុនពេលចេញទៅនេះភ័យដែរបង។ ប៉ុន្តែអត់អីទេបង ដឹងតែប្រឹងឲ្យអស់សមត្ថភាពពេលប្រកួត»។
ប្អូនប្រុសបង្កើតរបស់ ឡៅ ស៊ីណាត រូបនេះបញ្ជាក់ពីសុខភាពរបស់ខ្លួនគឺធម្មតា។ ចំណែកចំណុច កម្លាំង ជំហរ និងផ្លែកែង ដែលរូបគេបានប្រឹងប្រែងហ្វឹកហាត់នោះគឺអាចកើតឡើងបានប្រហែលជា ៨០% លើសពីមុន។
ជាមួយគ្នានោះលោក ហ៊ុន ច័ន្ទរាជ្យ គ្រូបង្វឹករបស់ក្លឹប Cambodian Top Team ដែលជាអ្នកដឹកនាំអ្នកប្រដាល់ខ្មែរខាងទៅប្រកួតក្នុងកម្មវិធី ONE បានឲ្យដឹងដែរថា មកដល់ពេលនេះលោកគ្មានអ្វីជាចំណុចព្រួយបារម្ភឡើយ។ លោកជឿទៅលើអ្នកប្រដាល់កម្ពុជាទាំងពីរដែលលោកដឹកនាំទៅគឺ នៅ ស្រី ពៅ និង ឡៅ ចិត្រា ៕