- 2019-02-13 02:21:48
- ប្រដាល់
ឡៅ ចិត្រា រំលឹករឿងធ្លាប់សន្លប់តាំងពីភ្នំពេញដល់កំពង់ស្ពឺ
- 2019-02-13 02:21:48
- ចំនួនមតិ 0 | ចំនួនចែករំលែក 0
ឡៅ ចិត្រា រំលឹករឿងធ្លាប់សន្លប់តាំងពីភ្នំពេញដល់កំពង់ស្ពឺ
ចន្លោះមិនឃើញ
អ្នកប្រដាល់វ័យក្មេង ឡៅ ចិត្រាបានប្រឡូកក្នុងអាជីពប្រដាល់តាំងពីតូចដោយមិនមែនបងប្រុសទាំងពីរជាអ្នកបង្ខំឡើយ ប៉ុន្តែជាការពេញចិត្តដោយខ្លួនឯងចាប់អាជីពមួយនេះ។
ឡៅ ចិត្រា បានរំលឹកមូលហេតុដំបូងដែលនាំឲ្យរូបចាប់ប្រដាល់ថា បងប្រុស ឡៅ ស៊ីណាត និង ឡៅ ចន្ទ្រាជាខ្នងបង្អែកដ៏រឹងមាំមិនអាចខ្វះបានសម្រាប់ជីវិតរបស់គេ។ បងប្រុសទាំងជួយគ្រប់យ៉ាងទាំងប្រដាល់ និងកិច្ចការក្រៅពីប្រដាល់។ យ៉ាងណា បងប្រុសទាំងពីរមិនបានបង្ខំឲ្យប្អូនប្រុសពៅរូបនេះចាប់អាជីពប្រដាល់ឡើយ។
ឡៅ ចិត្រា និយាយថា ៖«អត់មាននរណាដាក់ខ្ញុំឲ្យចូលអាជីពហ្នឹងទេ គឺខ្ញុំស្រលាញ់ខ្លួនឯងតាំងពីក្មេងម្ល៉េះ! ខ្ញុំចូលចិត្តប្រដាល់ខ្លាំង ពេលបងស៊ីណាត ចាប់ផ្តើមឡើងវ៉ៃ កាលប្រហែលជា១៥ឆ្នាំមុន។ និយាយទៅ នៅតូចខ្ញុំចូលចិត្តវាយគ្នារហូត តែអត់ឈ្នះគេទេ គេវាយយំរហូត។
ប៉ុន្មានប្រកួតដំបូង កីឡាករខេត្តកំពង់ស្ពឺរូបនេះទទួលបានជ័យជម្នះ ប៉ុន្តែប្រហែលជាប្រកួតទី៧ដែលរូបគេស្គាល់សន្លប់ ហើយបែកទៀតផង។ ចិត្រារំលឹកថា ៖«កាលប្រកួតទី៧ ខ្ញុំបែកប្រហែល១១ថ្នេរ។ ពេលនោះ ខ្ញុំសន្លប់តាំងពីនៅលើសង្វៀនភ្នំពេញដឹកដល់កំពង់ស្ពឺ ក៏អត់ទាន់ដឹងខ្លួនទៀត។ បងស្រី និងម៉ាក់ថា ឲ្យឈប់ទៅ ប៉ុន្តែខ្ញុំថា វាយដល់កម្រិតហ្នឹងហើយ ឲ្យឈប់មិចបាន»។
ដោយសារការស្រលាញ់ពេញចិត្តទើបបងប្រុស និងក្រុមគ្រួសារមិនរារាំង ហើយជួយជ្រោមជ្រែងពេញទំហឹងរហូតទទួលបានលទ្ធផលល្អប្រសើរដល់សព្វថ្ងៃ។
នាថ្ងៃសៅរ៍ ទី១៦ សប្តាហ៍នេះ ឡៅ ចិត្រា នឹងប្រកួតជាមួយជើងខ្លាំងរបស់ម្ចាស់ផ្ទះ Superlek នៅសង្វៀនធំ ONE Championship ក្នុងទីក្រុងបាងកក ប្រទេសថៃ។ នេះជាឱកាសដ៏អស្ចារ្យសម្រាប់កីឡាករកម្ពុជារូបនេះដើម្បីក្ដាប់យកទីផ្សារប្រកួតលើឆាកអន្តរជាតិ ប្រសិនបើរូបនេះទទួលបានជ័យជម្នះ៕
