- 2019-02-11 03:14:58
- ប្រដាល់
ឡៅ ចិត្រា ពង្រឹង៣ចំណុចនេះ ដើម្បីត្រៀមប្ដូរជាមួយ Superlek នៅសង្វៀន ONE
- 2019-02-11 03:14:58
- ចំនួនមតិ 0 | ចំនួនចែករំលែក 0
ឡៅ ចិត្រា ពង្រឹង៣ចំណុចនេះ ដើម្បីត្រៀមប្ដូរជាមួយ Superlek នៅសង្វៀន ONE
ចន្លោះមិនឃើញ
ជើងខ្លាំងវ័យក្មេងរបស់កម្ពុជា ឡៅ ចិត្រា នឹងត្រូវតទល់ជាមួយអ្នកខ្លាំងកម្រិត A របស់ថៃ Superlek នៅសង្វៀន ONE នាថ្ងៃទី១៦ ខែកុម្ភៈ ឆ្នាំ២០១៩។
អ្នកលេងគុនខ្មែរមកពីខេត្តកំពង់ស្ពឺរូបនេះបានឲ្យដឹងថា ដៃគូរបស់ខ្លួនល្អទាត់ធ្ងន់ ហើយជាកីឡាករមានបទពិសោធពេញខ្លួន។ ការជួបអ្នកប្រដាល់មានចំណុចល្អច្រើនបែបនេះមិនបានធ្វើឲ្យគេបាក់ទឹកចិត្តប្រកួតឡើយ ផ្ទុយទៅវិញគេសន្យាប្រឹងប្រែងឲ្យអស់ពីលទ្ធភាព ទាំងការហ្វឹកហាត់ និងការប្រកួត ដើម្បីមុខមាត់ប្រទេសជាតិ។
ប្អូនប្រុសបង្កើត ឡៅ ស៊ីណាត រូបនេះបន្ថែមថា មិនហ៊ានរំពឹងខ្ពស់ក្នុងការយកឈ្នះដៃគូកម្រិតខ្ពស់មួយនេះឡើយ។ ប៉ុន្តែគេនឹងប្ដូរ ប្រសិនបើឈ្នះការប្រកួតនេះ នោះនឹងធ្វើឲ្យគុនខ្មែរកាន់តែមានភាពល្បីឈ្មោះខ្លាំងជាងនេះលើឆាកអន្តរជាតិ។ យុទ្ធសាស្ត្ររបស់ខ្លួនក្នុងការតទល់ នឹងការទាត់ធ្ងន់របស់ Superlek គឺរូបគេត្រូវចូលកៀក ប៉ុន្តែចំណុចនេះមិនទាន់អាចធានា ល្អទាំងស្រុងឡើយគឺត្រូវរង់ចាំមើលស្ថានភាពជាក់ស្ដែងសិន។
ឡៅ ចិត្រា និង នៅ ស្រីពៅ ជាបេក្ខភាពតំណាងឲ្យក្លឹប Cambodian Top Team របស់កម្ពុជា ដែលត្រូវទៅប្រកួតក្នុងកម្មវិធី ONE Championship ៕
ចង់ដឹង ឡៅ ចិត្រា ពង្រឹង ៣ ចំណុចអ្វីខ្លះសូមទស្សនាវីដេអូខាងក្រោម៖
