- 2019-02-08 23:56:00
- កីឡាផ្សេងៗ
ទូរស័ព្ទ និងកុំព្យូទ័រលែងប្រើនឹងយកធ្វើជាមេដាយអូឡាំពិកនៅជប៉ុន
- 2019-02-08 23:56:00
- ចំនួនមតិ 0 | ចំនួនចែករំលែក 0
ទូរស័ព្ទ និងកុំព្យូទ័រលែងប្រើនឹងយកធ្វើជាមេដាយអូឡាំពិកនៅជប៉ុន
ចន្លោះមិនឃើញ
គ្រាប់មេដាយទាំងកីឡាអូឡាំពិក និងប៉ារ៉ាឡាំពិកឆ្នាំ២០២០ នៅទីក្រុងតូក្យូ ប្រទេសជប៉ុន នឹងធ្វើពីសំណល់ គ្រឿងអេឡិចត្រូនិចដែលលែងប្រើប្រាស់។ នេះបើតាមការបញ្ជាក់ពីមន្ត្រីអ្នកនាំពាក្យ។
ផែនការដែលទទួលការសាទរនេះមិនមែនទើបតែចាប់ផ្ដើមនោះទេ គឺជប៉ុនបានធ្វើឡើងតាំងពីឆ្នាំ២០១៧មកម្ល៉េះ គឺប្រមូលយកសំណល់គ្រឿងអេឡិចត្រូនិចដែលបោះបង់ចោលដូចជា ទូរស័ព្ទ និងកុំព្យូទ័រយួរដៃដើម្បីយកទៅរំលាយ ច្នៃធ្វើជាមេដាយ។
អ្នករៀបចំកម្មវិធីឲ្យដឹងថាពួកគេត្រូវការរំលាយគ្រឿងអេឡិចត្រូនិច ធ្វើជាមេដាយមាសទម្ងន់ ៣០,៣គីឡូក្រាម មេដាយប្រាក់ ទម្ងន់ ៤១០០គីឡូក្រាម និងមេដាយ សំរិទ្ធទម្ងន់ ២៧០០គីឡូក្រាម ហើយមានការប៉ាន់ស្មានថា នៅខែមិនាខាងមុខ គ្រប់យ៉ាងនឹងរួចរាល់។
នៅពេល គ្រប់តម្រូវការជប៉ុន នឹងចាប់ផ្ដើមរចនា និងផលិតមេដាយរបស់ខ្លួនដើម្បីត្រៀមលក្ខណ: សម្រាប់កីឡាអូឡាំពិក រដូវក្ដៅ ដែលចាប់ផ្ដើមពីថ្ងៃទី ២៤កក្កដា ដល់ថ្ងៃទី៩ សីហា ឆ្នាំ២០២០។ គួររម្លឹកថាអូឡាំពិកនៅទីក្រុង រីយ៉ូ ឆ្នាំ២០១៦ ប្រទេសប្រេស៊ីលបានធ្វើមេដាយ ប្រាក់ និងសំរិទ្ធពីវត្ថុធាតុអេតចាយប្រមាណ ៣០%៕