• 2019-02-04 08:05:57
  • ប្រដាល់

ឡៅ​ ស៊ីណាត ប្រាប់ស្ថានភាព ឡៅ ចិត្រា ដែល​គេ​ជិះ​មក​ប៉ះ​ដៃ​ចង្កូត​ម៉ូតូដួលម្សិលមិញ

  • 2019-02-04 08:05:57
  • ចំនួនមតិ 0 | ចំនួនចែករំលែក 31

ចន្លោះមិនឃើញ

ជើង​ខ្លាំង​វ័យ​ក្មេង ឡៅ ចិត្រា បាន​ទទួល​រង​គ្រោះ​ថ្នាក់​ចរាចណ៍​ដែល​បាន​កើត​ឡើង​កាល​ពី​​ព្រឹក​ថ្ងៃ​អាទិត្យ​ ទី​៣​ ខែ​កុម្ភៈ​ ឆ្នាំ​២០១៩​នៅ​ពេល​ដែល​កំពុង​ជិះ​ម៉ូតូ​ធ្វើ​ដំណើរ​មក​ថ្លឹង​ទម្ងន់​ត្រៀម​ប្រកួត​នៅ​សង្វៀន​បាយ័ន​​​​ ហើយ​​ក៏​មិន​បាន​ឡើង​ប្រកួត​​នា​ល្ងាច​ថ្ងៃ​ដដែល។

កីឡាករ ឡៅ ចិត្រា​(ក្រហម)

ឧបទ្ទវហេតុ​នេះ​ដែល​​បាន​ធ្វើ​ឲ្យ​អ្នក​គាំទ្រ​កីឡា​ប្រដាល់​កម្ពុជា​ជា​ច្រើន​ព្រួយ​បារម្ភ​យ៉ាង​ខ្លាំង​​នៅ​ពេល​ដែល​រូប​គេ​ជិត​ដល់​ថ្ងៃ​ប្រកួត​សំខាន់​នៅ​សង្វៀន​ ONE ​ទល់​នឹង​កីឡាករ​ម្ចាស់​ផ្ទះ​ថៃ។ ជុំ​វិញ​ករណី​នេះ ឡៅ ស៊ីណាត​ ដែល​​ត្រូវ​ជា​បង​ប្រុស​​បាន​ប្រាប់​ថា​ មាន​គេ​ជិះ​​ជែង​គេច​ឡាន​ ហើយ​ក៏​ជ្រុល​មក​ប៉ះ​ម៉ូតូ​ ចិត្រា​ ដែល​កំពុង​ជិះ​​នៅ​​លើ​ផ្លូវ​ហើយ​ដួល​តែ​ម្ដង​។ ចំណែក​របួស​វិញ​ដាច់​រលាត់​បន្តិចបន្តួច​ប៉ុណ្ណោះ​គឺ​មិនមាន​អ្វី​ធ្ងន់​ឡើយ។ សម្រាក​តែ​​​ប៉ុន្មាន​ថ្ងៃ​ទៅ​ជា​​សះ​ស្បើយ​ធម្មតា​វិញ​​ និង​ចូល​ហាត់​ត្រៀម​ការ​ប្រកួត​បាន។​

កីឡាករ​ ឡៅ​ ចិត្រា​ ដួល​ម៉ូតូ​កាល​ពី​ព្រឹក​ថ្ងៃ​អាទិត្យ​ម្សិលមិញ​នេះ​ ហើយ​មានរបួស​មិន​អាច​ឡើង​ប្រកួត​ក្នុង​កម្មវិធី​របស់​សង្វៀន​បាយ័ន​បាន​នោះ​ឡើយ​ ជំនួស​មក​វិញ​ដោយ​កីឡាករ​ ចាន់​ ស៊ីណាត។​ ប្អូន​ប្រុស​ ឡៅ​ ចន្រ្ទា​ រូប​នេះ​​នឹង​ត្រូវ​ចូល​ប្រកួត​នៅ​សង្វៀន​ One​ នា​ថ្ងៃ​ទី១៦​ ខែ​កុម្ភៈ​ ឆ្នាំ​២០១៩​ ឯ​ប្រទេស​ថៃ៕​

កីឡាករ ឡៅ ចិត្រា​(ក្រហម)

អត្ថបទ៖ នួន ស៊ីណា​

មតិយោបល់