- 2019-02-04 04:55:13
- ប្រដាល់
រិន សារ័ត្ន ត្រូវប៉ះកីឡាករអាមេរិកខែមីនានៅមីយ៉ាន់ម៉ា
- 2019-02-04 04:55:13
- ចំនួនមតិ 0 | ចំនួនចែករំលែក 0
រិន សារ័ត្ន ត្រូវប៉ះកីឡាករអាមេរិកខែមីនានៅមីយ៉ាន់ម៉ា
ចន្លោះមិនឃើញ
អ្នកប្រដាល់គុនខ្មែរ រិន សារ័ត្ន ត្រូវបានចាប់គូឲ្យឡើងសង្វៀនធំ ONE ទៀតហើយដោយត្រូវប៉ះអ្នកលេងឆ្លងទ្វីបគឺកីឡាករអាមេរិក Tial Thang ថ្ងៃទី៨ ខែមីនា ឆ្នាំ២០១៩នៅប្រទេសមីយ៉ាន់ម៉ា។ នេះបើតាមសេចក្តីប្រកាសព័ត៌មានរបស់ ONE ព្រឹកថ្ងៃចន្ទ ទី៤ ខែកុម្ភៈនេះ។
រិន សារ័ត្ន បានឡើងសង្វៀនគុនចម្រុះ MMA ៩ដងហើយគឺឈ្នះ៣ និងចាញ់៦ដោយចុងក្រោយនៅថ្ងៃទី៦ ខែតុលា ឆ្នាំ២០១៨ រិន សារ័ត្ន បានចាញ់កីឡាករ Mario Satya ក្នុងទឹកទី៣ នៅប្រទេសថៃ។ ចំណែកកីឡាករអាមេរិក Tial Thang វិញមិនធ្លាប់បានប្រកួតសង្វៀន ONE ឡើយ ប៉ុន្តែគេមិនដឹងច្បាស់ពីប្រវត្តិប្រកួតនៅសង្វៀនផ្សេងឡើយជាពិសេសនៅទឹកដីអាមេរិក។
ក្នុងព្រឹត្តិការណ៍ ONE: Reign of Valor ក្នុងប្រទេសមីយ៉ាន់ម៉ានេះ ម្ចាស់ខ្សែក្រវាត់ពិភពលោក Zebastian Kadestm របស់ប្រទេសស៊ុយអែតត្រូវដាក់ខ្សែក្រវាត់ទម្ងន់ Welterweight World Champion ឲ្យកីឡាករកាហ្សាស្ថាន Georgiy Kichign ដណ្តើម៕
