- 2019-02-01 09:13:22
- កីឡាផ្សេងៗ
ហែម គីរី គោរពទឹកចិត្តប្រធានសហព័ន្ធ ដែលខំប្រឹងអស់ពីចិត្តចង់លើកមុខមាត់កីឡាហែលទឹកកម្ពុជា
- 2019-02-01 09:13:22
- ចំនួនមតិ 0 | ចំនួនចែករំលែក 0
ហែម គីរី គោរពទឹកចិត្តប្រធានសហព័ន្ធ ដែលខំប្រឹងអស់ពីចិត្តចង់លើកមុខមាត់កីឡាហែលទឹកកម្ពុជា
ចន្លោះមិនឃើញ
លោក ហែម គីរី ស្ងើចសរសើរពីទឹកចិត្តប្រធានសហព័ន្ធខ្មែរកីឡាហែលទឹកកម្ពុជា ឯកឧត្ដមទេសរដ្ឋមន្ត្រី ស៊ុន ចាន់ថុល ពិតជាស្រឡាញ់ និងចង់លើកស្ទូយមុខមាត់វិស័យកីឡាមួយនេះអស់ពីចិត្តតែម្ដង ដោយមិនចង់បានផលប្រយោជន៍ផ្ទាល់ខ្លួនអ្វីឡើយ។
អគ្គលេខាធិការសហព័ន្ធខាងលើនេះ បានឲ្យដឹងថា បច្ចុប្បន្ននេះលោកផ្ទាល់ រួមទាំងមន្ត្រីសហព័ន្ធផ្សេងៗទៀតបានខំប្រឹងប្រែងជាខ្លាំងក្នុងការបណ្ដុះបណ្ដាលសមត្ថភាពកីឡាករ កីឡាការិនី ស្វែងរកធនធានថ្មីៗពីគ្រប់ទីកន្លែង រៀបចំ និងអនុវត្តផែនការសម្រាប់អភិវឌ្ឍន៍កីឡាមួយនេះ។ នេះជាការរួមចំណែកក្នុងការជួយអភិវឌ្ឍន៍ និងជាតប់ស្នងដល់ទឹកចិត្តដ៏ធំធេងរបស់ប្រធានសហព័ន្ធផងដែរ។
អតីតម្ចាស់មេដាយសំរឹទ្ធ School Games នៅប្រទេសថៃកន្លងទៅនេះ មិនដឹងថាត្រូវថ្លែងអំណរគុណយ៉ាងម៉េចឲ្យសមទៅនិងទឹកចិត្តស្រឡាញ់ពិតប្រាកដ ការឆ្លៀតពេលពីការងាររវល់មកជួយកីឡាហែលទឹកបែបនេះ ការចំណាយទាំងថវិកាផ្ទាល់ខ្លួនជាច្រើន ដើម្បីជំរុញឲ្យមានសមត្ថភាពរីកចម្រើនច្បាស់លាស់ក្នុងការដណ្ដើមមេដាយលើឆាកអន្តរជាតិ។ ក្ដីរំពឹងធំរបស់ប្រធានសហព័ន្ធ ឯកឧត្ដម ស៊ុន ចាន់ថុល នោះគឺចង់ឈ្នះមេដាយនៅស៊ីហ្គេម ឆ្នាំ២០២៣ ដែលខ្មែរធ្វើម្ចាស់ផ្ទះ។
រំលឹកដែរថា លោក ហែម គីរី ជាអគ្គលេខាធិការសហព័ន្ធខ្មែរកីឡាហែលទឹកកម្ពុជា និងជាអតីតកីឡាករឆ្នើមដែលធ្លាប់ឈ្នះមេដាយអន្តរជាតិនាពេលកន្លងទៅនេះ។ បច្ចុប្បន្ននេះប្រធានសហព័ន្ធដឹកនាំដោយឯកឧត្ដមទេសរដ្ឋមន្ត្រី ស៊ុន ចាន់ថុល ហើយគិតមកដល់ពេលនេះមានរយៈពេល៣អាណត្តិហើយ៕
