/5c524e654dacb_1548897840_medium.jpg)
- 2019-01-31 01:31:29
- បាល់ទាត់
Juventus ចាញ់ ៣-០ ខណៈ Chelsea ចាញ់ ៤-០ តែ Barca ឈ្នះ ៦-១
- 2019-01-31 01:31:29
- ចំនួនមតិ 0 | ចំនួនចែករំលែក 0
Juventus ចាញ់ ៣-០ ខណៈ Chelsea ចាញ់ ៤-០ តែ Barca ឈ្នះ ៦-១
ចន្លោះមិនឃើញ
យប់មិញមានការប្រកួតគូសំខាន់ៗជាច្រើននៅអង់គ្លេស អេស្ប៉ាញ និងនៅអ៊ីតាលី ប៉ុន្តែក្រុមខ្លាំងមួយចំនួនបានរងការខកចិត្តតាមរយៈលទ្ធផលមិនល្អប្រសើរ។
នៅលីគកំពូលអង់គ្លេសសប្តាហ៍ទី២៤ ក្រុមតោខៀវ Chelsea ពិតជាស្ទើរមិនស្មានដល់ដែលត្រូវបានក្រុម AFC Bournemouth ស៊ុតបាន៤គ្រាប់ដោយមិនអាចតដៃសូម្បីមួយគ្រាប់ឡើយ។ ៤គ្រាប់របស់ Bournemouth កើតចេញពីកីឡាករ៣នាក់គឺ Joshua King រកបាន២គ្រាប់ កូនប្រុសរបស់ David Bekham គឺ David Brooks រកបាន១គ្រាប់ និង Charlie Daniels រកបាន១គ្រាប់។
នៅប្រទេសអេស្ប៉ាញ ក្រុមអ្នកមានបុណ្យ FC Barcelona បំបាក់ក្រុម Sevilla ដោយលទ្ធផលរហូតដល់៦-១ ក្នុងពានរង្វាន់ Copa del Rey។ ៦គ្រាប់របស់អ្នកមានបុណ្យគឺ Coutinho រកបាន២គ្រាប់ និងIvan Rakitic, Sergi Roberto, Luis Suarez, Lionel Missi រកបាន១គ្រាប់ម្នាក់។
ងាកទៅពានរង្វាន់ Coppa Italia ប្រទេសអ៊ីតាលីវិញ ក្រុមសេះបង្កង់ Juventus បានបរាជ័យក្រោមថ្វីជើង Atalanta ដោយលទ្ធផល ៣-០ បើទោះជាមានវត្តមានកីឡាករ Ronaldo, Dybala និងកីឡាករសំខាន់ៗទៀតក៏ដោយ។ Duvan Zapata រកបាន២គ្រាប់ និង Castagne រកបាន១គ្រាប់ឲ្យ Atalanta ដែលទម្លាក់ក្រុមការពារតំណែងជើងឯកធ្លាក់ចេញពីពានរង្វាន់នេះ។ នៅពានរង្វាន់ជាមួយគ្នានេះដែរ Fiorentina លត់ Roma ដោយលទ្ធផល ៧-១។
