- 2019-01-28 08:52:08
- ប្រដាល់
Kiatmoo9 ប៉ះ ឡៅ ចិត្រា ដើម្បីស្រវាឱកាស«ជើងឯកពិភពលោក ONE»
- 2019-01-28 08:52:08
- ចំនួនមតិ 0 | ចំនួនចែករំលែក 0
Kiatmoo9 ប៉ះ ឡៅ ចិត្រា ដើម្បីស្រវាឱកាស«ជើងឯកពិភពលោក ONE»
ចន្លោះមិនឃើញ
ជើងខ្លាំងគុនថៃ Superlek Kiatmoo9 ត្រូវប្រឈមនឹងអ្នកលេងគុនខ្មែរ ឡៅ ចិត្រា នាថ្ងៃទី១៦ ខែកុម្ភៈខាងមុខនេះនៅលើសង្វៀនលំដាប់ពិភពលោក ONE: CLASH OF LEGENDS ក្នុងទីក្រុងបាងកក ប្រទេសថៃដែលជាទឹកដីកំណើតរបស់ខ្លួនតែម្តង។
សម្រាប់ការជួបជាមួយអ្នកគុនខ្មែរនៅសង្វៀន ONE គឺជាឱកាសដែលជើងខ្លាំង Superlek Kiatmoo9ប្តេជ្ញាធ្វើឲ្យបានល្អបំផុតដើម្បីបោះជំហានទៅវ៉ៃដណ្ដើមខ្សែក្រវាត់កម្រិតពិភពលោកដែលជាក្តីស្រមៃរបស់ខ្លួន។ រូបគេបាននិយាយថា នេះជាការប្រកួតលំដាប់ពិភពលោកដ៏អស្ចារ្យបំផុតមិនធ្លាប់មានក្នុងអាជីពរបស់ខ្លួន។
កីឡាករប្រដាល់ឆ្នើមប្រចាំប្រទេសថៃកាលពីឆ្នាំ២០១២បាននិយាយនៅព្រឹកថ្ងៃចន្ទ ទី២៨ ខែមករា នេះថា ៖«ខ្ញុំពិតជារំភើបបំផុត ពីព្រោះនេះជាលើកដំបូងរបស់ខ្ញុំនៅសង្វៀន ONE។ វាជាសង្វៀនដ៏ធំ និងថ្មីបំផុត ច្បាប់ថ្មី និយាយទៅអ្វីៗថ្មីទាំងអស់។ ខ្ញុំមិនធ្លាប់ឃើញមុនទេ។ ខ្ញុំបានចាប់ផ្តើមហ្វឹកហាត់ជាមួយហ្កង់ថ្មី ហើយឥឡូវសាំហើយ។ បានវ៉ៃនៅសង្វៀន ONE ពិតជាមោទនភាពណាស់សម្រាប់ខ្ញុំ ហើយពិតជារីករាយលើសង្វៀនប្រដាល់លំដាប់ពិភពលោកនេះ។ វាច្បាស់ហើយជាសង្វៀនធំបំផុតក្នុងជីវិតរបស់ខ្ញុំ។ ខ្ញុំត្រូវតែប្រឹងឲ្យអស់ពីសមត្ថភាពតាមដែលអាចធ្វើទៅបានដើម្បីសម្រេចគោលដៅធំគឺក្លាយជាជើងឯកពិភពលោករបស់ ONE»។
ប្រវត្តិប្រកួតកីឡាករថៃ Superlek Kiatmoo9
ប្រវត្តិប្រកួតកីឡាករកម្ពុជា ឡៅ ចិត្រា
