- 2019-01-28 03:23:05
- ប្រដាល់
អ្នកទាបប៉ះអ្នកមិនសូវខ្ពស់ ម៉ន សាម៉េត យុគ យក្សផ្លែ កក្រើកសង្វៀន
- 2019-01-28 03:23:05
- ចំនួនមតិ 0 | ចំនួនចែករំលែក 0
អ្នកទាបប៉ះអ្នកមិនសូវខ្ពស់ ម៉ន សាម៉េត យុគ យក្សផ្លែ កក្រើកសង្វៀន
ចន្លោះមិនឃើញ
ជើងខ្លាំងគុនខ្មែរដែលអ្នកទស្សនាមើលឃើញថាមានភាពរហ័សរហួនដូចគ្នានិងមានកម្ពស់ប្រហាក់ប្រហែលគ្នាទៀតនោះ ម៉ន សាម៉េត ប៉ះសិស្សប្អូន យុគ យក្សផ្លែ ធ្វើឲ្យកក្រើកសង្វៀនទូរទស្សន៍ប៉ុស្តិ៍លេខ៥ កាលពីថ្ងៃសៅរ៍ ទី២៦ ខែមករា ២០១៩។
សាម៉េត បានឲ្យដឹងថា សម្រាប់ការប៉ះគ្នាជាមួយ យក្សផ្លែ មិនសូវជាពិបាកប៉ុន្មានទេ ដោយសារដៃគូធ្លាប់ចាញ់សន្លប់ម្ដងហើយនៅសង្វៀនផ្សេងពីមុន។ ដៃគូរបស់ខ្លួនហាក់មានចិត្តខ្លាច ដូច្នេះការប្រកួតរបស់គេមិនសូវជាល្អឡើយ ពោលមិនសូវហ៊ានវ៉ៃ និងចេញផ្លែមួយៗប្រយ័ត្នខ្លាំង។
អ្នកប្រដាល់មកពីព្រែកឯងខាងលើបន្ថែមទៀតថា យក្សផ្លែ គេល្អកណ្ដាប់ដៃ វ៉ៃចេញធ្ងន់ ការប្រកួតភ្លាត់ត្រូវ១ដៃក្នុងទឹកទី២ ចង់យ៉ាប់ដែរ។ សាម៉េត ក៏មានការប្រយ័ត្នខ្លាំងដែរ ជាពិសេសគេចពីដៃរបស់ យក្សផ្លែ និងព្យាយាមវ៉ៃផ្លាស់ប្ដូរក្បាច់មួយតែម្ដងរហូតឆ្មក់វ៉ៃឲ្យអាជ្ញាកណ្ដាលរាប់ហើយឈ្នះពិន្ទុបែបនេះ។
កីឡាករ ម៉ន សាម៉េត មានកម្ពស់ ១,៦៥ cm ចំណែក យក្សផ្លែ មានកម្ពស់ទាបជាងបន្តិច អាចថាប្រហែល ១,៦៤ cm។ ការប៉ះគ្នាចុងក្រោយនៅសង្វៀន TV5 កាលពីថ្ងៃសៅរ៍សប្ដាហ៍មុននេះគឺ សាម៉េត ឈ្នះពិន្ទុ និងបានឡើងទៅវគ្គពាក់កណ្ដាលផ្ដាច់ព្រ័ត្រពានរង្វាន់ទម្ងន់ ៥៧គីឡូក្រាមជាបន្តទៀត៕