/5c4595da842a6_1548064200_medium.jpg)
- 2019-01-21 09:53:17
- ព័ត៌មាន
ធ្លាក់ពី FA Cup ក្រុម Liverpool នឹងទៅលំហែកាយលេងនៅឌូបៃ
- 2019-01-21 09:53:17
- ចំនួនមតិ 0 | ចំនួនចែករំលែក 0
ធ្លាក់ពី FA Cup ក្រុម Liverpool នឹងទៅលំហែកាយលេងនៅឌូបៃ
ចន្លោះមិនឃើញ
ក្រោយយកឈ្នះ Crystal Palace ៤ទល់នឹង៣កាលពីថ្ងៃសៅរ៍នៅ Premier League សមាជិកក្រុមហង្សក្រហម Liverpool ទាំងអស់ នឹងហោះទៅកាន់ទីក្រុងឌូបៃ ប្រទេសអារ៉ាប់រួម។
មូលហេតុដែលក្រុមលោក Jurgen Klopp ចំណាយពេលបោះជុំរុំហ្វឹកហាត់ក្រៅប្រទេសដូច្នេះ ដើម្បីឲ្យកីឡាករសម្រាកពីការនឿយហត់ និងបន្ថយសម្ពាធទាំងផ្លូវអារម្មណ៍ និងសាច់ដុំ ណាមួយសប្ដាហ៍នេះលីគអង់គ្លេសមិនមានការប្រកួតទេ ដោយទុកពេលលេងពាន FA Cup ជំនួសវិញ។
Liverpool ដែលធ្លាក់ចេញពីពានខាងលើ នឹងទាញយកប្រយោជន៍ពីពេលទំនេរទៅហ្វឹកហាត់ និងលំហែកាយនៅបរទេសស្របពេល Manchester City ដែលជាគូប្រជែងពានលីគ កំពុងមមាញឹកលេងពានទាំង៤នៅក្នុងដៃមាន FA Cup, League Cup, Premier League និង Champions League។
ក្រុមរហស្សនាមថាហង្សក្រហមនឹងចំណាយពេលនៅឌូបៃ ជាង១០ថ្ងៃមុនត្រឡប់មកវិញសប្ដាហ៍ក្រោយដើម្បីលេង Premier League ទល់នឹង Leicester City ចំថ្ងៃពុធ នៅ Anfield៕
