/5c4577bfb0296_1548056460_medium.jpg)
- 2019-01-21 07:45:45
- ព័ត៌មាន
Arsenal បារម្ភ Bellerin អាចរបួសសម្រាកដល់ចប់រដូវកាល
- 2019-01-21 07:45:45
- ចំនួនមតិ 0 | ចំនួនចែករំលែក 0
Arsenal បារម្ភ Bellerin អាចរបួសសម្រាកដល់ចប់រដូវកាល
ចន្លោះមិនឃើញ
ក្លឹបកាំភ្លើងធំ Arsenal មានក្ដីបារម្ភចំពោះរបួសសរសៃជើងរបស់ Hector Bellerin អាចនឹងសម្រាករយៈពេលយូរដល់បញ្ចប់រដូវកាលនេះ។
ខ្សែការពារសញ្ជាតិអេស្ប៉ាញត្រូវបានសែងចេញ អំឡុងពេល Arsenal ប្រកួតឈ្នះ Chelsea កាលពីថ្ងៃសៅរ៍ នាកីឡដ្ឋាន Emirates។ តាមការឲ្យដឹង បុគ្គលិកក្នុងក្លឹប Arsenal មានការព្រួយបារម្ភចំពោះរបួសសរសៃជើងរបស់ Bellerin អាចនឹងអវត្តមានពីទីលានដល់ចប់រដូវកាលនេះ។
ខ្សែការពារស្ដាំរបស់កាំភ្លើងធំរូបនេះទើបតែត្រលប់ជាពីរបួសកំភួនជើង ប៉ុន្តែពេលនេះគេត្រូវសម្រាកសាជាថ្មី។ លោក Unai Emery សង្ឃឹមនឹងដឹងពីទំហំនៃរបួសនៅថ្ងៃអាទិត្យ តែក្លឹបត្រូវរងចាំការស្កេនមើលសិនទើបដឹងពីរយៈពេលសម្រាក។ ក្លឹប Arsenal បាននិយាយថា៖ "ពួកយើងត្រូវរងចាំសិន។ ពួកយើងនឹងសិក្សាពីរបួសនៅថ្ងៃអាទិត្យនិងច័ន្ទ ប៉ុន្តែជំហានដំបូងគិតថាដូចជាមិនល្អឡើយ"៕
