- 2019-01-20 04:32:56
- បាល់ទាត់
Marko Arnautovic នឹងផ្លាស់ទៅចិនតម្លៃ ៤៥ លានផោនជាមួយថ្លៃឈ្នួលកប់
- 2019-01-20 04:32:56
- ចំនួនមតិ 0 | ចំនួនចែករំលែក 0
Marko Arnautovic នឹងផ្លាស់ទៅចិនតម្លៃ ៤៥ លានផោនជាមួយថ្លៃឈ្នួលកប់
ចន្លោះមិនឃើញ
ខ្សែប្រយុទ្ធ Marko Arnautovic របស់ក្លឹប West Ham United បានយល់ព្រមលើការផ្ទេរទៅកាន់ក្លឹប Guangzhou Evergrande ដែលលេងនៅលីគកំពូលចិនក្នុងតម្លៃ ៤៥ លានផោន ជាមួយប្រាក់ឈ្នួល ២៨០,០០០ ផោនក្នុងមួយសប្ដាហ៍។
ខ្សែប្រយុទ្ធរូបនេះបានសម្រេចចេញពី West Ham បន្ទាប់ពីយប់មិញត្រូវបានគេដឹងមិនបានបង្ហាញខ្លួនក្នុងការប្រកួត ដែលចាញ់ Bournemouth ២-០។ ទាក់ទងមិនបានបង្ហាញខ្លួននេះអ្នកចាត់ការក្រុមលោក Manuel Pellegrini ប្រាប់ថា Marko Arnautovic មានបញ្ហាក្បាលក្នុងពេលហ្វឹកហាត់។
យ៉ាងណា Marko Arnautovic ធ្លាប់មានបំណងចង់ចាកចេញពី West Ham ម្ដងហើយ ដែលពេលនោះក្លឹបចិន Guangzhou Evergrande បានផ្ដល់តម្លៃ ៣២ លានផោន។ ប៉ុន្តែត្រូវបាន West Ham បដិសេធ។
ការផ្ទេរនេះត្រូវបានគេដឹងថា នឹងកើតឡើងយ៉ាងពិតប្រាកដ បន្ទាប់ពីក្លឹបចិនដំឡើងតម្លៃ ស្របពេលភ្នាក់ងាររបស់ Marko Arnautovic បញ្ជាក់ថា ខ្សែប្រយុទ្ធរូបនេះមានបំណងចង់ចាកចេញ ហើយចង់ឈ្នះពាននៅទឹកដីចិន។ បន្ទាប់មានដំឡើងតម្លៃដូច្នេះ West Ham ក៏កំពុងទាក់ទង Maxi Gomez របស់ក្លឹប Celta Vigo មកជំនួសកន្លែងរបស់ Marko Arnautovic ដូចគ្នា៕
