- 2019-01-20 03:33:57
- បាល់ទាត់
ជើងឯកឆ្នាំចាស់ នៅតែសង្ឃឹមច្រើនពាន Tiger Street Football Festival 2019 មណ្ឌលកំពង់ស្ពឺ
- 2019-01-20 03:33:57
- ចំនួនមតិ 0 | ចំនួនចែករំលែក 0
ជើងឯកឆ្នាំចាស់ នៅតែសង្ឃឹមច្រើនពាន Tiger Street Football Festival 2019 មណ្ឌលកំពង់ស្ពឺ
ចន្លោះមិនឃើញ
ABA កំពង់ស្ពឺម្ចាស់ជើងឯកឆ្នាំមុន ចូលលេងឆ្នាំនេះបានប្ដូរទៅជា Rhino kampong Speu A វិញនោះ នៅតែបន្ដមានក្ដីសង្ឃឹមខ្ពស់លើកពានរង្វាន់ Tiger Street Football Festival 2019 មណ្ឌលកំពង់ស្ពឺ នេះដដែល។
ការប្រកួត Tiger Street Football Festival 2019 នៅមណ្ឌលកំពង់ស្ពឺបានចាប់ផ្ដើមហើយនៅព្រឹកមិញនេះ ដោយក្រុមទាំងអស់បានមកជួបជុំគ្នាថតរូបទុកជាអនុស្សាវរីយផងដែរ។ យ៉ាងណាមិញ នៅមណ្ឌលនេះទទួលបានការចាប់អារម្មណ៍ខ្លាំង ដោយសារតែមានក្រុមច្រើនមកពីតាមបណ្ដាខេត្តផ្សេងៗក៏មានចុះឈ្មោះចូលរួមផងដែរ។ ជាមួយគ្នានេះដែរ ក្រុមការងារតំណែងជើងឯកឆ្នាំមុន ABA នោះបានប្ដូរឈ្មោះថ្មីដើម្បីចូលលេងឆ្នាំនេះ ដោយដាក់ជា Rhino kampong Speu A វិញ។
ក្រុមមួយនេះនៅតែមានកីឡាករដូចឆ្នាំមុនអីចឹង។ លោក អ៊ុំ ចាន់ដារ៉ារិទ្ធ ប្រធានក្រុមបានប្រាប់ថាសមាជិកក្រុមទាំងអស់នៅតែមានអារម្មណ៍ថាខ្លួននឹងធ្វើបានល្អដដែល។ ត្បិតអីពួកគេតែងតែមានការប្រកួតកម្ដៅសាច់ដុំរៀងរាល់សប្ដាហ៍ បើទោះជាម្នាក់ៗរវល់ការងាររៀងខ្លួនដដែល។ ឆ្នាំនេះមានក្រុមចូលរួមច្រើន ប៉ុន្តែលោកនៅតែជឿជាក់ថាក្រុមខ្លួនអាចនឹងការពារតំណែងជើងឯកបាន។
មណ្ដលកំពង់ស្ពឺមានក្រុមចូលរួមទាំងអស់៤៦ក្រុម ធ្វើការប្រកួត១ថ្ងៃពេញ ដើម្បីយក៤ក្រុមឡើងទៅលេងនៅវគ្គផ្ដាច់ព្រ័ត្រទូទាំងប្រទេសនៅថ្ងៃទី១៦-១៧ ខែមីនា ដើម្បីប្រជែងយកជយលាភី ដែលមានប្រាក់រង្វាន់សរុប ៥ម៉ឺនដុល្លារអាមេរិក។ សម្រាប់ពេលរាត្រីនេះក៏មានការប្រគំតន្ត្រី ដែលមានការចូលរួមដោយតារាចម្រៀងល្បីៗ របស់ផលិតកម្ម ហង្សមាស ដូចជាលោក ខេមរៈ សិរីមន្ដ អ្នកនាង ពេជ្រ សោភា សុខ ស្រីនាង ទេព បូព្រឹក្ស ស៊យ រតនៈ និង DJ Maily ផងដែរ។ ការប្រគំតន្ត្រីនេះមានការផ្សាយផ្ទាល់តាមរយៈទូរទស្សន៍រស្មីហង្សមាស។ ស្របពេលការប្រកួតមានផ្សាយផ្ទាល់នៅលើ Page ផ្លូវការរបស់ Tiger Beer ។
ជយលាភីប្រចាំមណ្ឌលកំពង់ស្ពឺ៖
ក្រុមលេខ១៖ ១ ០០០ ដុល្លារអាមេរិក
ក្រុមលេខ២៖ ៧០០ ដុល្លារអាមេរិក
ក្រុមលេខ៣៖ ៣៥០ ដុល្លារអាមេរិក
ក្រុមលេខ៤៖ ១៥០ ដុល្លារអាមេរិក
ក្រុមជយលាភីទូទាំងប្រទេស
ក្រុមលេខ១៖ ១ ៥០០០ ដុល្លារអាមេរិក
ក្រុមលេខ២៖ ៥ ០០០ ដុល្លារអាមេរិក
ក្រុមលេខ៣៖ ២ ៥០០ ដុល្លារអាមេរិក
ក្រុមលេខ៤៖ ១ ០០០ ដុល្លារអាមេរិក
មណ្ឌលបន្ទាប់ពីបញ្ចប់នៅកំពង់ស្អឺមាន៖
មណ្ឌល ខេត្តបាត់ដំបង ៖ មណ្ឌលនេះក្រុមខេត្តបាត់ដំបង ពោធិ៍សាត់ កំពង់ឆ្នាំង ប៉ៃលិន បន្ទាយមានជ័យមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី២៦ ២៧ ខែមករា។
មណ្ឌល ក្រុងប៉ោយប៉ែត ៖ មណ្ឌលនេះក្រុមខេត្តក្រុងប៉ោយប៉ែត ប៉ៃលិន និងបន្ទាយមានជ័យមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី២ ៣ ខែកុម្ភៈ។
មណ្ឌល ខេត្តសៀមរាប ៖ មណ្ឌលនេះក្រុមខេត្តសៀមរាប ឧត្តរមានជ័យ ព្រះវិហារ និងកំពង់ធំមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី៨ ៩ ១០ ខែកុម្ភៈ។
មណ្ឌល ខេត្តកំពង់ចាម ៖ មណ្ឌលនេះក្រុមខេត្តកំពង់ចាម ក្រចេះ ស្ទឹងត្រែង រតនគីរី មណ្ឌលគីរី ព្រៃវែង និងស្វាយរៀងមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី១៦ ១៧ ខែកុម្ភៈ។
មណ្ឌល ខេត្តកណ្ដាល ៖ មណ្ឌលនេះក្រុមខេត្តកណ្ដាល ព្រៃវែង និងស្វាយរៀងមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី៣ ខែមីនា។
មណ្ឌល រាជធានីភ្នំពេញ ៖ ក្រុមនៅរាជធានីភ្នំពេញមានសិទ្ធិចុះឈ្មោះចូលរួមប្រកួត។ ប្រកួតថ្ងៃទី១៣ ១៤ ១៥ ខែមីនា។
ប្រកួតជុំផ្ដាច់ព្រ័ត្រទូទាំងប្រទេស ៖ ថ្ងៃទី១៦ ១៧ ខែមីនា នៅរាជធានីភ្នំពេញ។