- 2019-01-20 01:28:04
- បាល់ទាត់
Higuain នឹងមកដល់ទីក្រុងឡុងដ៍ដើម្បីតេស្តសុខភាពត្រៀមចូលលេងឲ្យ Chelsea
- 2019-01-20 01:28:04
- ចំនួនមតិ 0 | ចំនួនចែករំលែក 0
Higuain នឹងមកដល់ទីក្រុងឡុងដ៍ដើម្បីតេស្តសុខភាពត្រៀមចូលលេងឲ្យ Chelsea
ចន្លោះមិនឃើញ
Gonzalo Higuain អាចក្លាយជាកីឡាកររបស់ Chelsea នៅថ្ងៃចន្ទ។ Higuain រំពឹងថានឹងទៅដល់ទីក្រុងឡុងដ៍នៅចុងសប្តាហ៍នេះដើម្បីធ្វើតេស្តសុខភាព។ នេះបើតាម The Mirror ទើបបានចុះផ្សាយ។
ក្រុមតោខៀវបានឈានដល់ការព្រមព្រៀងក្នុងការនាំយកខ្សែប្រយុទ្ធអាហ្សង់ទីនក្នុងលក្ខខ័ណ្ឌខ្ចីជើងពី Juventus រហូតដល់ចប់រដូវកាល។
Chelsea នឹងចំណាយលុយ៩លានអឺរ៉ូ (ជាង ១០ លានដុល្លារ) ដើម្បីខ្ចីជើង Higuain រយៈពេល៦ខែ ពោលគឺក្លឹបតោខៀវនឹង បង់ប្រាក់ពាក់កណ្តាល នៃតម្លៃ ២០ លានដុល្លារដែល AC Milan បានចំណាយលុយឲ្យ Juventus ក្នុងការខ្ចីជើង Higuain កាលពីខែសីហា គឺ១០លានដុល្លារសម្រាប់រយៈពេល៦ខែ។
ប៉ុន្តែប្រសិនបើខ្សែប្រយុទ្ធវ័យ៣២ឆ្នាំធ្វើឲ្យមានការផ្លាស់ប្តូរខ្លាំងនៅ Stamford Bridge ក្លឹបរបស់មហាសេដ្ឋីរុស្ស៊ី Roman Abramovich នឹងពិចារណាទិញផ្តាច់ក្នុងតម្លៃ ៣៦ លានអឺរ៉ូ (៤១ លានដុល្លារ)។
Hazard ត្រូវបង្ខំឱ្យចូលលេងតំណែងលេខ៩ ដែលប្រធានក្រុមប៊ែលហ្ស៊ិករូបនេះមិនចូលចិត្តក្នុងរយៈពេលប៉ុន្មានសប្តាហ៍ចុងក្រោយនេះដោយសារតែលោក Maurizio Sarri មិនទុកចិត្តខ្សែប្រយុទ្ធកណ្តាលបច្ចុប្បន្នរបស់លោក។
ការនាំយក Higuain មកទីក្រុងឡុង Hazard នឹងអាចចូលលេងតំបន់ដែលខ្លួនចូលចិត្ត ខណៈដែលក្រុមតោខៀវ ត្រូវគេសង្ឃឹមថានឹងអាចពង្រឹងតំបន់ប្រយុទ្ធរបស់ខ្លួនឡើងវិញ៕