- 2019-01-19 04:58:45
- ប្រដាល់
កុំភ្លេចស្អែក! UFC មានការវាយដណ្ដើមខ្សែក្រវាត់ ជើងឯកប៉ះជើងឯក
- 2019-01-19 04:58:45
- ចំនួនមតិ 0 | ចំនួនចែករំលែក 0
កុំភ្លេចស្អែក! UFC មានការវាយដណ្ដើមខ្សែក្រវាត់ ជើងឯកប៉ះជើងឯក
ចន្លោះមិនឃើញ
ម្ចាស់ខ្សែក្រវាត់ UFC ប្រភេទទម្ងន់ Bantamweight កីឡាករ TJ Dillashaw ត្រូវប្រកួតដណ្ដើមខ្សែក្រវាត់ប្រភេទទម្ងន់ Flyweightពីម្ចាស់ជើងឯក Henry Cejudo នៅព្រឹកស្អែក។
អ្នកទាំងពីគឺជាអ្នកប្រយុទ្ធក្នុងទ្រុងសញ្ជាតិអាមេរិកដូចគ្នា។ Dillashaw ត្រូវសម្រកដល់ទៅ១០ផោនដើម្បីបានប្រកួតជាមួយ Cejudo។ ប្រសិនបើ Dillashaw ឈ្នះការប្រកួតនេះ គេនឹងក្លាយជាកីឡាករទី៦នៅស្ថាប័ន UFC ដែលដណ្ដើមបានខ្សែក្រវាត់២ប្រភេទទម្ងន់។
Randy Couture, BJ Penn, Conor McGregor, Georges St-Pierre, Daniel Cormier និង Amanda Nunes ជាកីឡាករតែ៥នាក់គត់ដែលឈានធ្វើបានដល់កម្រិតនេះ។ Cejudo ឈ្នះខ្សែក្រវាត់ប្រភេទទម្ងន់ Flyweight បន្ទាប់ពីបំបាក់ជើងខ្លាំង Demetrious ក្នុងកម្មវិធី UFC 227 កាលពីខែ សីហា ឆ្នាំ ២០១៨។ ឯការប្រកួតចុងក្រោយរបស់ TJ Dillashaw បានការពារខ្សែក្រវាត់ ប្រភេទទម្ងន់ Bantamweight ពី Cody Garbrandt កាលពីខែ សីហាដូចគ្នា។ ចំពោះការប្រកួតនេះមានផ្សាយផ្ទាល់លើកញ្ចក់ទូរទស្សន៍ ESPN+៕