- 2019-01-16 07:26:36
- ប្រដាល់
នៅ ស្រីពៅ ឡើងសង្វៀន One ទទួលបានតម្លៃខ្លួនច្រើនជាងគេបំផុតក្នុងអាជីពខ្លួន
- 2019-01-16 07:26:36
- ចំនួនមតិ 0 | ចំនួនចែករំលែក 0
នៅ ស្រីពៅ ឡើងសង្វៀន One ទទួលបានតម្លៃខ្លួនច្រើនជាងគេបំផុតក្នុងអាជីពខ្លួន
ចន្លោះមិនឃើញ
កីឡាការិនីដៃធ្ងន់របស់កម្ពុជា នៅ ស្រីពៅ ថាការឡើងសង្វៀន One ខែក្រោយនេះជាការប្រកួតដែលទទួលបានតម្លៃខ្លួនច្រើនជាងគេបំផុតក្នុងអាជីពប្រដាល់របស់ខ្លួនពីមុនៗមក។
អ្នកប្រដាល់ឆ្នើមខាងលើមិនបានបញ្ជាក់ពីតម្លៃខ្លួនពិតប្រាកដនោះទេ ប៉ុន្តែបង្ហើបថាបើឈ្នះបានប្រហែល ២-៣ពាន់ដុល្លារផងដែរ ហើយជាតម្លៃខ្លួនដែលបានច្រើនជាងប្រកួតមុនៗក្នុងអាជីពរបស់ខ្លួនទៅទៀត។ អាចនិយាយថាបានច្រើនជាងការប្រកួតនៅមីយ៉ាន់ម៉ាទៅទៀត។
កីឡាការិនីមកពីក្លឹបតាឡីដំរីមានរិទ្ធរូបនេះបន្ថែមទៀតថា បានឡើងសង្វៀនធំលំដាប់ពិភពលោកលើកនេះមានអារម្មណ៍ត្រេកអររំភើបផង និងភ័យផង ព្រោះមិនធ្លាប់បានឡើងកម្មវិធីបែបនេះពីមុនមក ណាមួយការប្រកួតលើកទី១ហើយដែលចូលប្រឡូកគុនចម្រុះ(MMA)។ ការប្រកួតនេះក៏មិនដឹងថាខ្លួនធ្វើបានល្អឬយ៉ាងទេ ប៉ុន្តែនឹងខំប្រឹងប្រែងឲ្យអស់ពីលទ្ធភាពតែម្ដង។
បញ្ជាក់ផងដែរថា កីឡាការិនី នៅ ស្រីពៅ នឹងត្រូវប្រកួតក្នុងកម្មវិធី One Championship នាថ្ងៃទី១៦ ខែកុម្ភៈ ឆ្នាំ២០១៩ នៅប្រទេសថៃ លក្ខណៈគុនចម្រុះជាមួយជើងខ្លាំងម្ចាស់ផ្ទះ៕
