- 2019-01-16 03:15:35
- ប្រដាល់
សុខ សាវិន និយាយយ៉ាងណាចំពោះ ឡៅ ចន្រ្ទា និង ឃីម ឌីម៉ា ?
- 2019-01-16 03:15:35
- ចំនួនមតិ 0 | ចំនួនចែករំលែក 0
សុខ សាវិន និយាយយ៉ាងណាចំពោះ ឡៅ ចន្រ្ទា និង ឃីម ឌីម៉ា ?
ចន្លោះមិនឃើញ
អ្នកលេងគុនខ្មែរ សុខ សាវិន ប្រាប់ពី Idol ក្នុងដួងចិត្តរបស់ខ្លួននោះគឺមានពីររូប ឡៅ ចន្រ្ទា និងអ្នកប្រដាល់កងរាជអាវុធហត្ថ ឃីម ឌីម៉ា ពួកគេជាកីឡាករដែលខ្លួនស្រឡាញ់ និងចូលចិត្តមើលនាពេលកន្លងមក។
សាវិន បានឲ្យដឹងថា ក្នុងចំណោមកីឡាករប្រដាល់ទាំងអស់មានពីរនាក់ដែលខ្លួនស្រឡាញ់ និងពេញចិត្តបំផុតពីទម្រង់វ៉ៃរបស់ពួកគេ ដែលខ្លួនធ្លាប់មើល ធ្លាប់រៀនបច្ចេកទេសតាមមួយចំនួនផងដែរ។ ជើងខ្លាំងកំពុងឡើងកូដរូបនេះលើកឡើងទៀតថា សិស្សច្បង ឃីម ឌីម៉ា ជាអ្នកប្រដាល់វ៉ៃច្បាស់ៗ និងពេញដោយកម្លាំង។ ចំណែក ឡៅ ចន្រ្ទា វិញ គឺជាកីឡាករដែលពួកែចាប់។
កូនសិស្ស ស៊ន អេលីត រូបនេះបន្ថែមថា ការព្យាយាមធ្វើតាម ឬយកគំរូតាមពួកគេទាំងពីរគឺចេះតែខំប្រឹងហើយ ប៉ុន្តែមិនដឹងថាអាចល្បីឈ្មោះ និងខ្លាំងដូចពួកគេឬទេ ព្រោះកីឡាករម្នាក់ៗមិនដូចគ្នាឡើយ។ ការហាត់រៀន របៀបតិចនិកវ៉ៃម្នាក់ៗខុសគ្នា ប៉ុន្តែយ៉ាងណាក៏ដោយ អ្នកស្នងគុនខ្មែរខាងលើនេះនឹងព្យាយាមបន្តទៀត។
រំលឹកដែរថា សុខ សាវិន ជាកូនសិស្សលោក ស៊ន អេលីត នៅក្លឹបឆ្មារសសែនសុខ បច្ចុប្បន្នជាអ្នកប្រដាល់ដែលកំពុងមានការចាប់អារម្មណ៍ជាខ្លាំងតាមរយៈការបញ្ចេញសមត្ថភាពប្រកួតយ៉ាងល្អ និងឈ្នះស្ទើរគ្រប់ការប្រកួតមិត្តភាពអន្តរជាតិនាពេលថ្មីៗនេះ។ ប្រកួតចុងក្រោយផ្ដួលថៃសន្លប់ទឹកទី៤នៅសង្វៀន TV5៕
