ក្រុមជើងឯកមណ្ឌលខេត្តព្រះសីហនុឡើងជុំផ្តាច់ព្រ័ត្រនៅភ្នំពេញដោយទំនុកចិត្ត

2019-01-15 11:23:00
បាល់ទាត់

2019-01-15 11:23:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមស្នងការដ្ឋាននគរបាលខេត្តព្រះសីហនុ A ទទួលបានចំណាត់ថ្នាក់លេខ១ក្នុងការប្រកួតកំពូលព្រឹត្តិការណ៍បាល់ទាត់ Tiger Street Football Festival 2019 ប្រចាំមណ្ឌលខេត្តព្រះសីហនុដើម្បីឡើងមកជុំផ្តាច់ព្រ័ត្រទូទំាងប្រទេសនៅរាជធានីភ្នំពេញ។

ក្រុមស្នងការដ្ឋាននគរបាលខេត្តព្រះសីហនុ A

កីឡាករ ភូ គឹមសែ ដែលល្បីថា Messi កំពង់សោមជាសមាជិកសំខាន់របស់ក្រុម ក្រុមស្នងការដ្ឋាននគរបាលខេត្តព្រះសីហនុ A បាននិយាយថា សម្រាប់ការឡើងមកលេងនៅជុំផ្តាច់ព្រ័ត្រទូទាំងប្រទេសនៅរាជធានីភ្នំពេញ ក្រុមរបស់ខ្លួនគ្មានអ្វីត្រូវព្រួយបារម្ភទៀតឡើយ។

ក្រុមរបស់ខ្លួនធ្លាប់មកលេងជុំផ្តាច់ព្រ័ត្រទូទាំងប្រទេសនៅរាជធានីភ្នំពេញច្រើនឆ្នាំ ដូច្នេះឈប់បារម្ភ ភ័យខ្លាចទៀតហើយ បើទោះជាដឹងថា នៅភ្នំពេញប្រជុំដោយក្រុមខ្លាំងៗក៏ដោយ។ អ្វីដែលរឹតតែធ្វើឲ្យក្រុមរបស់ពួកគេមានទំនុកចិត្តខ្លាំងនោះគឺ ក្រុមស្នងការដ្ឋាននគរបាលខេត្តព្រះសីហនុ A ជាជើងឯករងទូទាំងប្រទេសកាលពីឆ្នាំ២០១៨ដែលបានក្លាយជាក្រុមមកពីខេត្តតែមួយគត់ឡើងវគ្គផ្តាច់ព្រ័ត្រទូទាំងប្រទេសក្នុងប្រវត្តិសាស្ត្រពានរង្វាន់ Tiger Street Football Festival។

រយៈពេលប៉ុន្មានឆ្នាំចុងក្រោយនេះ ក្រុមស្នងការដ្ឋាននគរបាលខេត្តព្រះសីហនុ A ពិតជាខ្លាំងមែនប្រចាំមណ្ឌលខេត្តព្រះសីហនុគឺកាលពីឆ្នាំ២០១៦ជាជើងឯក ឆ្នាំ២០១៧ជាជើងឯក ឆ្នាំ២០១៨ជាជើងឯករង និងឆ្នាំ២០១៩ជាជើងឯកទៀត។

ក្រុមស្នងការដ្ឋាននគរបាលខេត្តព្រះសីហនុ A និយាយរឿងឡើងមកភ្នំពេញ

៦ក្រុមឡើងមកជុំផ្តាច់ព្រ័ត្រនៅភ្នំពេញពីមណ្ឌលខេត្តព្រះសីហនុមាន

លេខ១៖ ក្រុម ស្នងការដ្ឋាននគរបាលខេត្តព្រះសីហនុ A
លេខ២៖ ក្រុម Villa Videc
លេខ៣៖ ក្រុម យុវជនសាលាខេត្តព្រះសីហនុ A
លេខ៤៖ ក្រុម យុវជនកំពង់ផែស្វយ័តខេត្តព្រះសីហនុ B
លេខ៥៖ ក្រុម Osahkho FC
លេខ៦៖ ក្រុម Hurricane FC A

មណ្ឌលបន្ទាប់គឺ

មណ្ឌល ខេត្តកំពង់ស្ពឺ ៖ មណ្ឌលនេះក្រុមខេត្តកំពង់ស្ពឺ ព្រៃវែង និងស្វាយរៀងមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី២០ ខែមករា។
មណ្ឌល ខេត្តបាត់ដំបង ៖ មណ្ឌលនេះក្រុមខេត្តបាត់ដំបង ពោធិ៍សាត់ កំពង់ឆ្នាំង ប៉ៃលិន បន្ទាយមានជ័យ-មានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី២៦-២៧ ខែមករា។
មណ្ឌល ក្រុងប៉ោយប៉ែត ៖ មណ្ឌលនេះក្រុមខេត្តក្រុងប៉ោយប៉ែត ប៉ៃលិន និងបន្ទាយមានជ័យមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី២-៣ ខែកុម្ភៈ។
មណ្ឌល ខេត្តសៀមរាប ៖ មណ្ឌលនេះក្រុមខេត្តសៀមរាប ឧត្តរមានជ័យ ព្រះវិហារ និងកំពង់ធំមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី៨-៩-១០ ខែកុម្ភៈ។
មណ្ឌល ខេត្តកំពង់ចាម ៖ មណ្ឌលនេះក្រុមខេត្តកំពង់ចាម ក្រចេះ ស្ទឹងត្រែង រតនគីរី មណ្ឌលគីរី ព្រៃវែង និងស្វាយរៀងមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី១៦-១៧ ខែកុម្ភៈ។
មណ្ឌល ខេត្តកណ្ដាល ៖ មណ្ឌលនេះក្រុមខេត្តកណ្ដាល ព្រៃវែង និងស្វាយរៀងមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី៣ ខែមីនា។
មណ្ឌល រាជធានីភ្នំពេញ ៖ ក្រុមនៅរាជធានីភ្នំពេញមានសិទ្ធិចុះឈ្មោះចូលរួមប្រកួត។ ប្រកួតថ្ងៃទី១៣-១៤-១៥ ខែមីនា។
ប្រកួតជុំផ្ដាច់ព្រ័ត្រទូទាំងប្រទេស ៖ ថ្ងៃទី១៦-១៧ ខែមីនា នៅរាជធានីភ្នំពេញ។

ព័ត៌មានជាច្រើនទៀត សូមចុចអាន ៖ Tiger Street Football Festival 2019

អត្ថបទ៖ ជាន ចាន់រ៉ា