ភ្ញាក់ផ្អើល! ក្រុមខ្លាំងថ្មី Klach Ey យកឈ្នះ Never Care គ្រងជើងឯក AK2 ទូទាំងប្រទេស

2019-01-12 13:14:59
កីឡាផ្សេងៗ

2019-01-12 13:14:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុម Never Care មិនអាចការពារជើងឯកឆ្នាំចាស់របស់ខ្លួនបានឡើយ បន្ទាប់ពីចាញ់ក្រុម Klach Ey នៅវគ្គផ្តាច់ព្រ័ត្រនៃការប្រកួតជើងឯកកីឡាអេឡិចត្រូនិកវិញ្ញាសា AK 2 ឆ្នាំ២០១៨ ដែលទើបបញ្ចប់នៅរាត្រីថ្ងៃ សៅរ៍ ទី១២ មេសានេះនៅផ្សារទំនើបអ៉ីអនសែនសុខ។

ការប្រកួតវគ្គផ្តាច់ព្រ័ត្រជារន្ធត់ និងភ្ញាក់ផ្អើលយ៉ាងខ្លាំងនៅពេលដែលក្រុមឡើងជើងថ្មី Klach Ey បានយកឈ្នះក្រុម Never Care ដោយពិន្ទុ ៥-១ នៅវគ្គទី១ ប៉ុន្តែនៅវគ្គទី២ Never Care បានយកឈ្នះវិញដោយពិន្ទុ ៥-២ ដែលធ្វើឲ្យក្រុមទាំងពីរស្មើគ្នា ១ទល់នឹង១ និងត្រូវប្រកួត១វគ្គទៀត។ វគ្គចុងក្រោយ Klach Ey បានបង្កការចាប់អារម្មណ៍ និងភ្ញាក់ផ្អើលនៅពេលបំបាក់ Never Care ដោយពិន្ទុ ៥-២ វិញ។ ចប់ការប្រកួត Klach Ey ឈ្នះ Never Care ដោយលទ្ធផល ២-១ ដើម្បីគ្រងជើងឯក AK2 ទូទាំងប្រទេស ឆ្នាំ២០១៨ ដែលការប្រកួតនេះឈានមកប្រកួតជុំផ្តាច់ព្រ័ត្រនៅឆ្នាំ២០១៩។ តាមពិតទៅ Klach Ey ត្រូវបានបង្កើតឡើងកាលពីឆ្នាំ២០១៦ និងមានសមាជិកជាអតីតកីឡាកររបស់ Never Care។

ដូច្នេះ Klach Ey បានបង្កើតប្រវត្តិសាស្ត្រឈ្នះជើងឯកថ្នាក់ជាតិជាលើកដំបូង និងតំណាងឲ្យប្រទេសកម្ពុជាចូលរួមប្រកួតពានរង្វាន់អន្តរជាតិ MATIC 2019 ដែលកម្ពុជាធ្វើម្ចាស់ផ្ទះដែលនឹងប្រកួតថ្ងៃអាទិត្យ ទី១៣ ខែមករានេះនៅផ្សារទំនើបអ៉ីអនសែនសុខ។ ការប្រកួតពានរង្វាន់អន្តរជាតិនេះមាន៤ប្រទេសចូលរួមប្រកួតគឺ ម្ចាស់ផ្ទះកម្ពុជា ថៃ ចិន និងម៉ាឡេស៊ី។

លទ្ធផលវគ្គ៨ក្រុមចុងក្រោយ

ក្រុម Never Care ឈ្នះ ក្រុម Five Military
ក្រុម Ort Jes Klalch ឈ្នះ ក្រុម Revenge of Empire
ក្រុម Klach Ey ឈ្នះ ក្រុម You Will Know
ក្រុម The Michael ឈ្នះ ក្រុម King Attack

លទ្ធផលវគ្គពាក់កណ្តាលផ្តាច់ព្រ័ត្រ

ក្រុម Klach Ey ៥-៣ ក្រុម The Michael
ក្រុម Never Care ៥-០ ក្រុម Ort Jes Klach

លទ្ធផលវគ្គផ្តាច់ព្រ័ត្រ

ប្រកួតយកលេខ៣៖ ក្រុម Ort Jes Klach ៥ - ៤ ក្រុម The Michael
ប្រកួតយកលេខ១៖ ក្រុម Klach Ey ២-១ ក្រុម Never Care

ជយលាភីជើងឯកទូទាំងប្រទេស

ក្រុមជើងឯក៖ Klach Ey ទទួលបានពាន និងប្រាក់រង្វាន់ ២ ០០០ ដុល្លារ និង ៤០ ០០០ sabay gold
ក្រុមលេខ២៖ Never Care ទទួលបានប្រាក់រង្វាន់ ១ ០០០ ដុល្លារ និង ៤០ ០០០ sabay gold
ក្រុមលេខ៣៖ Ort Jes Klalch ទទួលបាន ៤០ ០០០ sabay gold

សហព័ន្ធកីឡាអេឡិចត្រូនិកកម្ពុជា និង Sabay ជាអ្នករៀបចំការប្រកួតនេះដែលទទួលបានការអនុញ្ញាតពីគណៈកម្មាធិការជាតិអូឡាំពិកកម្ពុជា (NOCC) ដោយមានការចូលរួមឧបត្ថម្ភពីក្រុមហ៊ុនទូរសព្ទ Huawei ទូរទស្សន៍ MYTV ផ្សារទំនើប AEON Mall និងក្លឹបកីឡាអេឡិចត្រូនិក MCT E-Sport Cambodia។

អត្ថបទ៖ ជាន ចាន់រ៉ា