ថ្ងៃនេះ E-Sports ១២ក្រុមប្រជែងគ្នាយកជើងឯកឆ្ពោះទៅពានអន្តរជាតិ

2019-01-11 23:13:00
កីឡាផ្សេងៗ

2019-01-11 23:13:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតជើងឯកកីឡាអេឡិចត្រូនិកជ្រើសរើសជើងឯកទាំងប្រទេសដល់ពេលហើយនៅជុំផ្តាច់ព្រ័ត្រដែលមាន១២ក្រុមតំណាងមកពីតំបន់៥ផ្សេងគ្នាត្រូវប្រកួតគ្នាថ្ងៃសៅរ៍ ទី១២ ខែមករា ឆ្នាំ២០១៩នៅផ្សារទំនើបអ៊ីនអនសែនសុខ។

ក្រុម Never Care ជាម្ចាស់ជើងឯកឆ្នាំចាស់

បន្ទាប់ពីចប់ការប្រកួតជម្រុះស្វែងក្រុមខ្លាំងតាមតំបន់កាលពីចុងឆ្នាំ២០១៨កន្លងទៅ ក្រុមដែលមានកៅអីជុំផ្តាច់ព្រ័ត្រដល់ត្រូវធ្វើការធ្វើហើយដើម្បីប្រជែងឆ្ពោះទៅរកជើងឯកទូទាំងប្រទេស។ ក្រុមខ្លាំងទាំង១២គឺក្រុម Aggressive Fight, ក្រុម King Attack, ក្រុម Team Klac Ey, ក្រុម Five Shooter, ក្រុម Michael, ក្រុម OtJesKlach, ក្រុម Never Care, ក្រុម EnemyShhooterZ, ក្រុម You Will Know, ក្រុម Five Military, ក្រុម Revenge of Emperorនិងក្រុមSuccessful ។

សូមបញ្ជាក់ថា Never Care គឺជាក្រុមការពារតំណែងជើងឯកឆ្នាំចាស់ដែលស្ថិតក្នុងចំណោមក្រុមខ្លាំង១២ខាងលើនេះ។ ចាំមើល តើមានក្រុមណាដែលមានលទ្ធភាពយកឈ្នះលើក្រុម Never Care បាន ឬក្រុមនេះនៅតែរក្សាតំណែងជើងឯករបស់ខ្លួនបានដដែល?

ក្រុមដែលទទួលបានចំណាត់ថ្នាក់លេខ១ពីការប្រកួតជើងឯកថ្នាក់ជាតិនឹងតំណាងឲ្យកម្ពុជាចូលរួមប្រកូតពានរង្វាន់អន្តរជាតិ MATIC 2019 នៅថ្ងៃអាទិត្យ ទី១៣ ខែមករា ដែលកម្ពុជាធ្វើម្ចាស់ផ្ទះនៅផ្សារទំនើបអ៊ីនអនសែនសុខ។

ការប្រកួតរៀបចំដោយសហព័ន្ធកីឡាអេឡិចត្រូនិកកម្ពុជា និង Sabay ដែលទទួលបានការអនុញ្ញាតពីគណៈកម្មាធិការជាតិអូឡាំពិកកម្ពុជា ហើយមានការចូលរួមឧបត្ថម្ភដោយក្រុមហ៊ុនទូរសព្ទ Huawei, ទូរទស្សន៍ MYTV, ផ្សារទំនើប AEON Mall និងក្លឹបកីឡាអេឡិចត្រូនិក MCT E-Sport Cambodia៕