នៅតែខ្លាំង! ស្នងការដ្ឋាននគរបាលព្រះសីហនុAឈ្នះជើងឯកមណ្ឌលព្រះសីហនុ

2019-01-06 12:35:27
បាល់ទាត់

2019-01-06 12:35:27
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមស្នងការដ្ឋាននគរបាលខេត្តព្រះសីហនុ A បានក្លាយជាជើងឯក Tiger Street Football Festival 2019 ប្រចាំមណ្ឌលព្រះសីហនុ បន្ទាប់ពីធ្វើបានយ៉ាងល្អតាំងពីប្រកួតដំបូងរហូតដល់វគ្គផ្តាច់ព្រ័ត្រ។

ថតរូបជុំគ្នាក្នុងពិធីប្រគល់រង្វាន់

មុនក្លាយជាម្ចាស់ជើងឯកប្រចាំមណ្ឌលខេត្តព្រះសីហនុ ក្រុមស្នងការដ្ឋាននគរបាល់ព្រះសីហនុA នៅវគ្គ៨ក្រុមចុងក្រោយបានយកឈ្នះក្រុមខ្លាំង Nazaro FT ដោយលទ្ធផល ១-០ ដើម្បីឡើងទៅវគ្គពាក់កណ្តាកផ្តាច់ព្រ័ត្រ។ នៅវគ្គពាក់កណ្តាលផ្តាច់ព្រ័ត្រក្រុមខ្លាំងមួយនេះបានបន្តឈ្នះក្រុមយុវជនសាលាខេត្តព្រះសីហនុ A ដោយលទ្ធផល៤-០។

អ្វីដែលនឹកស្មានមិនដល់នោះ ស្នងការដ្ឋាននគរបាល់ព្រះសីហនុ A បានលត់ក្រុមខ្លាំង Villa Videci ដែលមានកីឡាករជនជាតិហុល្លង់២នាក់យ៉ាងចាស់ដៃគឺ៦-១ នៅវគ្គផ្តាច់ព្រ័ត្រដើម្បីក្លាយជាជើងឯកតែម្តង ដូច្នេះក្រុម Villa Videci ដែលគេរំពឹងខ្ពស់នោះបានត្រឹមជើងឯករងប៉ុណ្ណោះ។

ចំពោះក្រុមចំណាត់ថ្នាក់លេខ៣បានទៅក្រុម យុវជនសាលាខេត្តព្រះសីហនុ A បន្ទាប់ពីបានយកក្រុមលេខ៤ យុវជនកំពង់ផែស្វយ័តព្រះសីហនុ B ដោយលទ្ធផល ២-១។ ដោយឡែកក្រុម Hurricane FC A ដែលជាក្រុមការពារតំណែងជើងឯកឆ្នាំចាស់នោះមិនអាចការពារបានឡើយ ប៉ុន្តែក៏ទទួលបានកៅអីឡើងទៅជុំផ្តាច់ព្រ័ត្រទូទាំងប្រទេសនៅរាជធានីភ្នំពេញដែរ។