- 2019-01-06 00:54:46
- បាល់ទាត់
ទីបំផុតសល់២៤ក្រុមចុងក្រោយត្រូវប្រជែងគ្នារកជើងឯកមណ្ឌលព្រះសីហនុថ្ងៃនេះ
- 2019-01-06 00:54:46
- ចំនួនមតិ 0 | ចំនួនចែករំលែក 0
ទីបំផុតសល់២៤ក្រុមចុងក្រោយត្រូវប្រជែងគ្នារកជើងឯកមណ្ឌលព្រះសីហនុថ្ងៃនេះ
ចន្លោះមិនឃើញ
បន្ទាប់ពីការប្រកួតថ្ងៃដំបូងកាលពីម្សិលមិញយ៉ាងស្វិតស្វាយមក កំពូលព្រឹត្តិការណ៍បាល់ទាត់ Tiger Street Football Festival 2019 មណ្ឌលខេត្តព្រះសីហនុនៅសល់តែ២៤ក្រុមប៉ុណ្ណោះត្រូវប្រជែងគ្នាថ្ងៃទី២នេះដើម្បីរកជើងឯក និងកៅអីឆ្ពោះទៅជុំផ្តាច់ព្រ័ត្រទូទាំងប្រទេសនៅភ្នំពេញក្រោយ។
លទ្ធផលថ្ងៃសៅរ៍ ទី៥ មករា ម្សិលមិញ
ប្រកួតជុំទី១
ប្រកួតជុំទី២កាលពីម្សិលមិញ - Diamond FC ១-៥ Villa Videci
កម្មវិធីប្រកួតថ្ងៃអាទិត្យ ទី៦ ខែមករា នេះ
បន្តការប្រកួតជុំទី២
ប្រកួតជុំទី៣
ចំពោះគូផ្សេងទៀតសម្រាប់ជុំទី៣ ត្រូវរងចាំគូប្រកួតជុំទី២
ក្រុមដែលទទួលបានជ័យជម្នះនៅជុំទី៣នឹងបានឡើងទៅកាន់វគ្គ៨ក្រុមចុងក្រោយ ហើយត្រូវប្រកួតជាបន្តបន្ទាប់ទៀតរហូតស្វែងរកឃើញក្រុមជើងឯក និងក្រុមតំណាងខេត្តព្រះសីហនុចំនួន៦ឡើងទៅជុំផ្តាច់ព្រ័ត្រទូទាំងប្រទេសនៅភ្នំពេញ។
ករណីគួរឲ្យចាប់អារម្មណ៍ចំពោះការប្រកួតពេញមួយថ្ងៃម្សិលមិញ
ចំនួនប្រកួតត្រូវបានធ្វើឡើងអស់ចំនួន៤០ ក្នុងនោះមាន១០គូត្រូវដៃគូបោះបង់ចោលការប្រកួត ហើយចំនួន៣០គូបានប្រកួតនៅលើទីលាន។
ចំនួន២៤ក្រុមត្រូវបន្តភារកិច្ចប្រកួតថ្ងៃអាទិត្យ ទី៦ ខែមករានេះដើម្បីដណ្តើមជយលាភី ២ណៈចំនួន៣០ក្រុមផ្សេងទៀតអស់ឱកាសប្រកួតហើយ។ មណ្ឌលខេត្តព្រះសីហនុមានក្រុមចុះឈ្មោះចូលរួមប្រកួតចំនួន៥៤។
កីឡាកររកគ្រាប់បាល់ Hat-Trick មាន៣នាក់កាលក្នុងចំណោម៤០ប្រកួតកាលពីម្សិលមិញ។ កីឡាកររបស់ យុវជនកំពង់ផែស្វយ័តក្រុងព្រះសីហនុរកបាន៤គ្រាប់ម្នាក់ក្នុងមួយប្រកួតដំបូង។ កីឡាករជនជាតិហុល្លង់ Sjors Van Zoggel រកបាន៥គ្រាប់ម្នាក់ឯង និងកីឡាករម្នាក់ទៀតរបស់ក្រុម SHV Bridge ក៏រកបាន៣គ្រាប់ដែរ។
បើនិយាយពីរឿងពិន័យកាតលឿងវិញ លោកអាជ្ញាកណ្តាលបានពិន័យកាតលឿងតែ១គត់ក្នុងចំណោម៤០ប្រកួតកាលពីម្សិលមិញគឺពិន័យលើអ្នកចាំទីរបស់ក្រុម Just Kidding ឈ្មោះ សម្បត្តិ វាសនា។
ក្រុមការពារតំណែងជើងឯកឆ្នាំចាស់ Hurricane A រក៧គ្រាប់គឺឈ្នះ Happy Shark ដោយលទ្ធផល ៧-០ ហើយក្រុម SHV Bridge ក៏រកបាន៧គ្រាប់ដែរក្នុងជ័យជម្នះលើក្រុម ស្នងការដ្ឋានបាលខេត្តកំពត ៧-២។
កុំភ្លេចណា! ល្ងាចថ្ងៃអាទិត្យនេះពិតជាអស្ចារ្យណាស់! ការប្រកួតវេលាម៉ោង៤នឹងមានការផ្សាយផ្ទាល់នៅលើកញ្ចក់ទូរទស្សន៍រស្មីហង្សមាស។ បន្ទាប់ពីចប់ការប្រកួតនឹងមានការប្រគំតន្ត្រីដែលចូលរួមសម្តែងដោយកំពូលតារាចម្រៀងមានដូចជា ខេមរៈ សិរីមន្ត, ពេជ្រ សោភា, ណុប បញ្ញារិទ្ធ, សុខ ស្រីនាង, ឈិន ម៉ានិច្ច និង នី រតនាជាដើម។
សប្តាហ៍ក្រោយ Tiger Street Footbal Festival 2019 នឹងធ្វើដំណើរទៅមណ្ឌលទី២ខេត្តតាកែវ ថ្ងៃទី១៣ ខែមករា ឆ្នាំ២០១៩៕