- 2019-01-02 07:48:17
- កីឡាផ្សេងៗ
ជើងឯក E-Sport: AK2 ជុំផ្តាច់ព្រ័ត្រជិតដល់ថ្ងៃកក្រើកហើយ
- 2019-01-02 07:48:17
- ចំនួនមតិ 0 | ចំនួនចែករំលែក 0
ជើងឯក E-Sport: AK2 ជុំផ្តាច់ព្រ័ត្រជិតដល់ថ្ងៃកក្រើកហើយ
ចន្លោះមិនឃើញ
ការប្រកួតកីឡាអេឡិចត្រូនិកជ្រើសរើសជើងទូទាំងប្រទេសលើវិញ្ញាសា AK2 ជុំផ្តាច់ព្រ័ត្រនឹងធ្វើឲ្យកក្រើកនៅផ្សារទំនើបអ៊ីអនសែនសុខនាថ្ងៃទី១២ ខែមករា ឆ្នាំ២០១៩ខាងមុខនេះ បន្ទាប់ពីសម្រាកប្រមាណ២សប្តាហ៍ក្រោយពេលប្រកួតជម្រុះតាមខេត្តចប់។
ក្នុងរយៈពេលសម្រាករយៈពេលប៉ុន្មានថ្ងៃកន្លងទៅនេះ ក្រុមខ្លាំងទាំង១២ប្រហែលជាមិនស្ងៀមនោះទេ ប៉ុន្តែការពង្រឹងសមត្ថភាព និងស្មារតីជាក្រុមប្រហែលជាបង្កើនទាំងយប់ទាំងថ្ងៃ ពីព្រោះសុទ្ធតែក្រុមខ្លាំងៗប៉ះគ្នានៅជុំផ្តាច់ព្រ័ត្រ។ ក្រុមខ្លាំងតំណាងពីខេត្តទាំង១២តំបន់ទី១៖ ក្រុម Aggressive Fight លេខ១ និងក្រុម King Attack លេខ២។ តំបន់ទី២៖ ក្រុម Team Klac Ey លេខ១ និងក្រុម Five Shooter លេខ២។ តំបន់ទី៣៖ ក្រុម Michael លេខ១ និងក្រុម OtJesKlach លេខ២។ តំបន់ទី៤៖ ក្រុម Never Care លេខ១ និងក្រុម EnemyShhooterZ លេខ២។ តំបន់ទី៥៖ ក្រុម You Will Know លេខ១, ក្រុម Five Military លេខ២, ក្រុម Revenge of Emperor លេខ៣ និងក្រុមSuccessful លេខ៤។
Never Care គឺជាក្រុមការពារតំណែងជើងឯកឆ្នាំចាស់ដែលស្ថិតក្នុងចំណោមក្រុមខ្លាំង១២ខាងលើនេះ។ ចាំមើល តើមានក្រុមណាដែលមានលទ្ធភាពយកឈ្នះលើក្រុម Never Care បាន ឬក្រុមនេះនៅតែរក្សាតំណែងជើងឯករបស់ខ្លួនបានដដែល?
មិនត្រឹមតែក្លាយជាម្ចាស់ជើងឯកទូទាំងប្រទេសដែលមានប្រាក់រង្វាន់ ២ ០០០ដុល្លារប៉ុណ្ណោះទេ ប៉ុន្តែនឹងតំណាងឲ្យប្រទេសកម្ពុជាចូលរួមប្រកួតជើងឯកកីឡាអេឡិចត្រូនិកអន្តរជាតិ MATIC 2019 ដែលកម្ពុជាធ្វើជាម្ចាស់ផ្ទះថែមទៀត។
ការប្រកួត NET2019 ជុំផ្តាច់ព្រ័ត្រនេះត្រូវបានគេរំពឹងថា នឹងធ្វើឲ្យរំជើបរំជួលសប្បាយរីកនៅផ្សារទំនើបអ៊ីអនសែនសុខនាថ្ងៃទី១២ ខែមករានេះ ដោយសារក្រុមនីមួយៗនឹងមានអ្នកគាំទ្រ មិត្តភក្តិរបស់ខ្លួនចូលរួមលើកទឹកចិត្តយ៉ាងច្រើនកុះករ៕
