- 2018-12-31 07:04:26
- កីឡាផ្សេងៗ
ព្រឿង សុជាតិ ទើបឈ្នះមេដាយប្រាក់ថ្មីៗនេះ មិនមែនខាងប្រដាល់
- 2018-12-31 07:04:26
- ចំនួនមតិ 0 | ចំនួនចែករំលែក 0
ព្រឿង សុជាតិ ទើបឈ្នះមេដាយប្រាក់ថ្មីៗនេះ មិនមែនខាងប្រដាល់
ចន្លោះមិនឃើញ
កីឡាករ ព្រឿង សុជាតិ ទើបឈ្នះមេដាយប្រាក់នៃការប្រកួតជើងឯកថ្នាក់ជាតិកីឡាវ៉ូវីណាម កាលពីប៉ុន្មានថ្ងៃមុននេះ ប៉ុន្តែមិនទាន់សម្រេចបំណងចង់ជាប់ជម្រើសជាតិដើម្បីតំណាងឲ្យកម្ពុជាទៅប្រកួតលើឆាកអន្តរជាតិនោះទេ
ព្រឿង សុជាតិ បានឲ្យដឹងថា ខ្លួនធ្លាប់ហាត់កីឡាវ៉ូវីណាមនេះយូរដែរហើយ ប៉ុន្តែមិនបានជាប់លាបនោះទេ ពោលមានពេលទំនេរពីប្រដាល់គុនខ្មែរ ទើបឆ្លៀតទៅហាត់កីឡាមួយនេះបន្ថែម។ ថ្មីៗនេះអ្នកលេងក្បាច់គុនរូបនេះទើបតែឈ្នះមេដាយប្រាក់ជើងឯកថ្នាក់ជាតិឆ្នាំ២០១៨ លើវិញ្ញាសាប្រយុទ្ធប្រភេទទម្ងន់ ៦០គីឡូក្រាម។
កីឡាករដើមកំណើតនៅខេត្តត្បូងឃ្មុំបន្តថា សម្រាប់ការហ្វឹកហាត់កីឡាវ៉ូវីណាមនេះមិនសូវជាពិបាកនោះទេ ដោយសារខ្លួនមានគ្រឹះប្រដាល់ស្រាប់ទៅហើយ ដូច្នេះហាក់ស្រួល និងងាយចាប់បាន។ បំណងនាពេលខាងមុខនោះ គឺខំប្រឹងបន្ថែមទៀត ដើម្បីបានឱកាសជាប់ជាជម្រើសជាតិចេញទៅប្រកួតនៅក្រៅប្រទេសអាចរកមេដាយជូនកម្ពុជា។
ព្រឿង សុជាតិ ទទួលបានមេដាយប្រាក់លើវិញ្ញាសាប្រយុទ្ធទម្ងន់ ៦០គីឡូក្រាម បន្ទាប់ពីចាញ់កីឡាករ សែន រ៉ាឌី នៅវគ្គផ្ដាច់ព្រ័ត្រថ្ងៃទី២៨កន្លងទៅនេះ។ សហព័ន្ធកីឡាវ៉ូវីណាម បានប្រកួតជ្រើសរើសជើងឯកថ្នាក់ជាតិឆ្នាំ២០១៨ រួចហើយកាលពីថ្ងៃទី២៦-២៨ ធ្នូ នៅឯកីឡដ្ឋានស្តាតចាស់៕
