- 2018-12-25 08:41:26
- កីឡាផ្សេងៗ
រៀនចប់ថ្ងៃនេះ សិស្សឆ្នើម២០រូប បានធ្វើជាចៅក្រម អាជ្ញាកណ្ដាលប្រកួតជើងឯកថ្នាក់ជាតិកីឡាវ៉ូវីណាមតែម្ដង
- 2018-12-25 08:41:26
- ចំនួនមតិ 0 | ចំនួនចែករំលែក 0
រៀនចប់ថ្ងៃនេះ សិស្សឆ្នើម២០រូប បានធ្វើជាចៅក្រម អាជ្ញាកណ្ដាលប្រកួតជើងឯកថ្នាក់ជាតិកីឡាវ៉ូវីណាមតែម្ដង
ចន្លោះមិនឃើញ
បន្ទាប់ពីឆ្លងកាត់វគ្គបណ្ដុះបណ្ដាលអាជ្ញាកណ្ដាល ចៅក្រមកម្រិតអន្តរជាតិរយៈពេល៤ថ្ងៃរួមមក សហព័ន្ធនឹងជ្រើសរើសសិក្ខាកាមឆ្នើមចំនួន២០នាក់ ដើម្បីកាក់សេចក្ដីនាការប្រកួតជើងឯកថ្នាក់ជាតិឆ្នាំ២០១៨ ដែលចាប់ផ្ដើមពីស្អែកនេះហើយ។
លោក អ៊ូ រតនា អនុប្រធានសហព័ន្ធវ៉ូវីណាមកម្ពុជាបានឲ្យដឹងថា សម្រាប់វគ្គបណ្ដុះបណ្ដាលនេះអាចវាយតម្លៃថាល្អមែនទែន សិក្ខាកាមចូលរួមគ្រប់រូបយកចិត្តទុកដាក់សិក្សារៀនសូត្រ និងគោរពវិន័យ។ និទ្ទេសល្អ ៦០% មធ្យម៣០% និងខ្សោយ១០%។
អនុប្រធានរូបនេះបន្ថែមទៀតថា លោកជឿជាក់ថាសិក្ខាកាមឆ្នើមទាំង២០រូបនោះ នឹងរឹតតែធ្វើបានល្អសម្រាប់ការប្រកួតជើងឯកថ្នាក់ជាតិឆ្នាំនេះ។ ប្រសិនបើចៅក្រម អាជ្ញាកណ្ដាលកាត់ក្ដីច្បាស់លាស់ មានន័យថាកំពុងផ្ដល់ភាពយុត្តិធម៌ដល់កីឡាករ កីឡាការិនី ចំណុចនេះហើយដែលធ្វើឲ្យពួកគេជឿជាក់ និងសប្បាយរីករាយក្នុងការចូលរួមបន្តទៀតក៏ដូចជាការខំប្រឹងប្រែងហ្វឹកហាត់បន្ថែមទៀតផងដែរ។
សូមបញ្ជាក់ដែរថា ថាវគ្គសិក្សាចៅក្រមអាជ្ញាកណ្ដាលរបស់សហព័ន្ធកីឡាវ៉ូវីណាមកម្ពុជា នេះធ្វើឡើងរយៈពេល៤ថ្ងៃ គឺចាប់ពីថ្ងៃទី២២ ដល់ ២៥ ខែធ្នូ ២០១៨។ សិក្ខាកាមចូលរួមសរុបទាំងអស់ ៥០នាក់ មកពី៥ខេត្ត គឺកំពង់ចាម កំពង់ធំ ស្វាយរៀង ព្រៃវែង និងជុំវិញរាជធានីភ្នំពេញ។ ស្អែកនេះសហព័ន្ធនឹងចាប់ផ្ដើមបើកការប្រកួតជើងឯកថ្នាក់ជាតិឆ្នាំ២០១៨របស់ខ្លួនហើយ៕