- 2018-12-24 03:00:52
- កីឡាផ្សេងៗ
ប៉ាល ជីវ័ន ទទួលបានបច្ចេកទេសថ្មីៗពីរ ក្រោយបានរៀនជាគ្រូមកពីប៊ុលហ្គារី
- 2018-12-24 03:00:52
- ចំនួនមតិ 0 | ចំនួនចែករំលែក 0
ប៉ាល ជីវ័ន ទទួលបានបច្ចេកទេសថ្មីៗពីរ ក្រោយបានរៀនជាគ្រូមកពីប៊ុលហ្គារី
ចន្លោះមិនឃើញ
ជើងខ្លាំងតេក្វាន់ដូ ITF កម្ពុជា ប៉ាល ជីវ័ន ទទួលបានបទពិសោធថ្មីៗចំនួនពីរ គឺបច្ចេកទេសកម្ដៅសាច់ដុំ និងបច្ចេកទេសមេគុន ពីសំណាក់គ្រូឧបទេសមកពីប៊ុលហ្គារី ក្រោយឆ្លងកាត់វគ្គបណ្ដុះបណ្ដាលរយៈពេលប៉ុន្មានថ្ងៃនេះ។
ម្ចាស់មេដាយមាស ជើងឯកអាស៊ីលើកទី៩ រូបនេះបានឲ្យដឹងថា សម្រាប់វគ្គសិក្សានេះពិតជាល្អមែនទែន ព្រោះបានគ្រូលំដាប់អន្តរជាតិ និងជាប្រធានគណៈកម្មការរៀបចំការប្រកួតពិភពលោកបែបនេះ។ ចំពោះបច្ចេកទេសក៏ដូចជាមេរៀនដែលគ្រូមកពីប៊ុលហ្គារីបានបង្រៀននេះ គឺផ្ដោតសំខាន់បច្ចេកទេសកម្ដៅសាច់ដុំ ប្លែកនិងធ្វើរហូតទៅដល់ ៤០នាទី មុនចាប់ផ្ដើមហាត់ស្នៀត ឬប្រកួត។ មួយទៀតនោះ គឺបច្ចេកទេសមេគុន ប្លែកថ្មី និងទំនើបខុសពីមុន។
កីឡាករឆ្នើមរបស់សហព័ន្ធខាងលើលើកឡើងទៀតថា ឆ្លងកាត់វគ្គសិក្សានេះអាចចាប់បានប្រហែល ៦០-៧០% ហើយនឹងខំប្រឹងប្រែងបន្ថែមទៀត ព្រោះបានថតវីដេអូឯកសារទុករួចហើយ សម្រាប់យកមកមើលដើម្បីអនុវត្តជាបន្តបន្ទាប់ទៀត។ ម្ចាស់មេដាយកម្រិតអន្តរជាតិច្រើនគ្រឿងរូបនេះបន្ថែមទៀតថា នឹងយកបច្ចេកទេសថ្មីៗទាំងនេះដើម្បីបង្ហាត់សិស្សគុនរបស់ខ្លួនជាបន្តទៀត។
រំលឹកដែរថា សហព័ន្ធតេក្វាន់ដូ ITF កម្ពុជា បានបង្កើតឲ្យមានវគ្គបណ្ដុះបណ្ដាលនៅពហុកីឡដ្ឋានជាតិរយៈពេល ៦ថ្ងៃ គឺចាប់ពីថ្ងៃទី១៩ ដល់២៤ ឆ្នាំ២០១៨ ដោយមានគ្រូឧបទេសមកពីប្រទេសប៊ុលហ្គារី លោកគ្រូ Grand Master Kim Ung Chol ជាប្រធានអាជ្ញាកណ្ដាល ចៅក្រម រៀបចំការប្រកួតពិភពលោក៕