- 2018-12-13 07:40:59
- កីឡាផ្សេងៗ
កីឡាករ ឈុន ពន់ រំពឹងថានឹងមានកម្មវិធីរត់ប្រណាំងកាន់តែច្រើន សម្រាប់ជនពិការ
- 2018-12-13 07:40:59
- ចំនួនមតិ 0 | ចំនួនចែករំលែក 0
កីឡាករ ឈុន ពន់ រំពឹងថានឹងមានកម្មវិធីរត់ប្រណាំងកាន់តែច្រើន សម្រាប់ជនពិការ
ចន្លោះមិនឃើញ
ឈុន ពន់ កីឡាករជនពិការកម្ពុជា បានចូលរួមរត់ពាក់កណ្ដាលម៉ារ៉ាតុងនៅអង្គរ ដែលបានចូលរួមជ្រោមជ្រែងដោយក្រុមហ៊ុនធានារ៉ាប់រងអាយុជីវិតធំបំផុត Manulife និងទទួលបានចំណាត់ថ្នាក់លេខ១ផងដែរ។
នេះជាឱកាសដំបូងរបស់កីឡាករជម្រើសជាតិជនពិការកម្ពុជា ក្នុងការចូលរួមរត់ប្រណាំងបាក់កណ្ដាលម៉ារ៉ាតុងនេះ។ ខណៈដែលលទ្ធផលទៀតសោត រូបគេធ្វើបានយ៉ាងល្អ និងយកឈ្នះអ្នករត់ដូចគ្នា ដណ្ដើមបានលេខ១តែម្ដង បើទោះជានេះជាលើកដំបូងរបស់ខ្លួនក៏ដោយ។ ឈុន ពន់ រំពឹងទៀតថា ម្ចាស់ឧបត្ថម្ភនានានឹងបង្កើតកម្មវិធីរត់ដូច្នេះទៀតនៅឆ្នាំក្រោយ ដើម្បីឱ្យជនពិការមកពីបណ្ដាអង្គការនានា មានឱកាសបានបង្ហាញសមត្ថភាព ក៏ដូចជាបានស្គាល់គ្នាផងដែរ។
កីឡាករជម្រើសជាតិកម្ពុជា ដែលធ្លាប់ចូលរួមព្រឹត្តិការណ៍ធំៗជាច្រើនខាងលើ បន្ថែមទៀតថាការបង្កើតកម្មវិធីដូច្នេះ ពិតជាល្អ ព្រោះវាមិនត្រឹមតែផ្ដល់ ឱកាសដល់ជនពិការបានចូលរួមនោះទេ។ ជាក់ស្ដែងបរទេសរាប់ពាន់នាក់ក៏បានមកស្គាល់កម្ពុជាតាមរយៈការរត់ប្រណាំងពាក់កណ្ដាលម៉ារ៉ាតុងអង្គរនេះផងដែរ។
ពាក់កណ្ដាលម៉ារ៉ាតុងអង្គរ បានបញ្ចប់ទៅដោយជោគជ័យ ក្រោមការចូលរួមពីសំណាក់អ្នកគាំទ្រប្រមាណ១០ ៥០០នាក់មកពី៧៦ប្រទេសផ្សេងគ្នា។ ជាមួយគ្នានោះដែរ ឯកឧត្ដមបណ្ឌិត ថោង ខុន រដ្ឋមន្ត្រីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុជា(NOCC) ក៏និយាយពីការទាក់ទាញភ្ញៀវបានច្រើនដែរ ក្នុងការប្រកួតរត់ពាក់កណ្ដាលម៉ារ៉ាតុងនេះ។ ឯកឧត្តម ក៏អរគុណដល់ដៃគូសហការដូចជា Manulife ជាដើម ដែលបានជួយជ្រោមជ្រែងឱ្យកម្មវិធីនេះទទួលបានលទ្ធផលល្អយ៉ាងនេះ៕