អ្នកជំនាញ ៖ របួសខ្នងរ៉ាំរ៉ៃរបស់ Ozil ដោយសារការញៀនហ្គេម Fornite

2018-12-09 06:21:19
បាល់ទាត់

2018-12-09 06:21:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែបម្រើ Mesut Ozil បានអវត្តមានពី Arsenal តាំងពីដើមខែតុលា ដោយសារតែបញ្ហារបួសខ្នងរ៉ាំរ៉ៃ ហើយមូលហេតុចម្បងត្រូវបានគេដាក់បន្ទុកថាមកពីកីឡាករដែលមានតម្លៃខ្លួនថ្លៃបំផុតនៅ English Premier League រូបនេះញៀននឹងការលេងហ្គេម Fornite ច្រើនម៉ោង។

Ozil ជាកីឡាករដែលមានតម្លៃខ្លួនថ្លៃបំផុតមួយនៅលីគអង់គ្លេស។ ប្រាក់ឈ្នួលជិត ៣៩ ម៉ឺនដុល្លារក្នុង១សប្ដាហ៍ ឬ ប្រមាណជាង ១លាន៥សែនដុល្លារក្នុង១ខែ។

សាស្ត្រាចារ្យផ្នែកវិទ្យាសាស្ត្រកីឡារបស់អាឡឺម៉ង់ លោក Ingo Frobose បាននិយាយថារបួសខ្នង Ozil ដែលរ៉ាំរ៉ៃអាចបណ្ដាលមកពីកីឡាកររូបនេះអង្គុយច្រើនម៉ោងលើកៅអីហ្គេមរបស់គេ។ នេះបើតាម RT ទើបបានចុះផ្សាយ។

Ozil ដែលបានញៀននឹងហ្គេម Fornite ដ៏ពេញនិយមត្រូវបានគេរាយការណ៍ថាគណនីហ្គេមរបស់កីឡាករអាឡឺម៉ង់បានចំណាយក្នុងការលេងហ្គេមនេះសរុប ៥ ២២១ ប្រកួត ស្មើនឹង ១ ៧៤០ ម៉ោង។ ប្រភពខាងលើមិនបានបញ្ជាក់ទេថា ១ ៧៤០ម៉ោងនេះ Ozil លេងហ្គេមដោយប្រើពេលប៉ុន្មានខែប៉ុន្មានថ្ងៃ។ ប៉ុន្តែជិត២ពាន់ម៉ោងដែល Ozil ខ្ជះខ្ជាយអង្គុយលេងហ្គេម បើអង្គុយលេងពេញ១ថ្ងៃៗក៏ត្រូវប្រើពេល៧២ថ្ងៃដែរ។

Fortnite ត្រូវបានគេទទួលស្គាល់ថាជាហ្គេមដែលពេញនិយមក្នុងចំណោមកីឡាករបាល់ទាត់ជាច្រើន ក្នុងនោះក៏មាន Antoine Griezman ផងដែរដែលល្បីដោយសារតារាឆ្នើម Atletico Madrid បានយកយកគំរូ ដោយប្រើម្រាមដៃជាអក្សរ L ពីហ្គេមដើម្បីអបអរពេលស៊ុតចូល៕

ប្រភព៖ RT ប្រែសម្រួល៖ សុខ លាងហ៊ត