- 2018-12-08 06:41:11
- ប្រដាល់
ចាន់ រតនាទម្លាយពីភាពវៃឆ្លាតសម្រាប់ការយកឈ្នះលើ Fernandes
- 2018-12-08 06:41:11
- ចំនួនមតិ 0 | ចំនួនចែករំលែក 0
ចាន់ រតនាទម្លាយពីភាពវៃឆ្លាតសម្រាប់ការយកឈ្នះលើ Fernandes
ចន្លោះមិនឃើញ
កាលពីយប់មិញកីឡាករគុនចម្រុះកម្ពុជា ចាន់ រតនាបានធ្វើឲ្យប្រជាជនខ្មែររំភើបចិត្តជាខ្លាំង ក្រោយបំបាក់ជើងខ្លាំង Abro Fernandes ដែលជាម្ចាស់ខ្សែក្រវាត់មួយរូបនៅប្រទេសឥណ្ឌូណេស៊ីឲ្យបោះបង់ការប្រកួតក្នុងទឹកទី២ នៅប្រទេសម៉ាឡេស៊ី។
ក្រោយពីបញ្ចប់ការប្រកួត រតនាបានប្រាប់ពីភាពវ័យឆ្លាតនិងបច្ចេកទេសមួយចំនួនក្នុងការយកឈ្នះលើដៃគូ។ "សម្រាប់ក្នុងទឹក១ ខ្ញុំបានស្ទង់ពីកម្លាំងរបស់ដៃគូ គេពូកែចាប់ មានកម្លាំងខ្លាំងមែនហើយផ្លាស់ទីលឿន តែខ្ញុំបានហ្វឹកហាត់ច្រើនជាគ្រូក្នុងការទប់ក្បាច់ចាប់នេះ។ ខ្ញុំដឹងថាគេពូកែវាយកាត់ ដូច្នេះខ្ញុំត្រូវវាយកាត់គេមុន"។ សម្ដីរបស់រតនាវ័យ៣២ឆ្នាំ។
កីឡាករមកពីក្លឹប Selapak បន្តថា បន្ទាប់ពីស្ទង់កម្លាំង គេបានទាត់ចោលមួយៗ ស្របពេលដៃគូដូចជាអន់ជើងក្រោមដែរ ធ្វើឲ្យបន្តទាត់ជារឿយៗ។ ចំពោះទឹក២ រតនាឃើញដៃគូហាក់ធ្លាក់កម្លាំងជាងខ្លួន។ មើលឃើញឱកាសបែបនេះនៅចុងទឹកគេបានព្យាយាមប្រឹងបុក Fernandes គោលបំណងផ្ដាច់ទឹកពីរតែម្ដង ជាលទ្ធផលរតនាពិតជាធ្វើបានសម្រេច។
នេះគឺជាជ័យជម្នះលើដំបូងរបស់ ចាន់ រតនាក្រោយខកខានប្រកួតជាងមួយឆ្នាំលើសង្វៀន ONE Championship។ តាមគម្រោងពេលត្រលប់មកកម្ពុជាវិញ រតនា នឹងប្រកួតគុនខ្មែរមួយប្រកួត៕
