- 2018-11-30 03:58:20
- កីឡាផ្សេងៗ
កម្ពុជានឹងមានមុខប្រកួត E-Sport នៅព្រឹត្តិការណ៍របស់ ONE ឆ្នាំក្រោយ
- 2018-11-30 03:58:20
- ចំនួនមតិ 0 | ចំនួនចែករំលែក 0
កម្ពុជានឹងមានមុខប្រកួត E-Sport នៅព្រឹត្តិការណ៍របស់ ONE ឆ្នាំក្រោយ
ចន្លោះមិនឃើញ
ONE Championship បានប្រកាសជាផ្លូវការ នឹងរៀបចំការប្រកួត ONE E-Sports ឆ្នាំ២០១៩ ទន្ទឹមគ្នានឹងការប្រកួតគុនចម្រុះនៅទូទាំងអាស៊ី។
ដោយមានការសហការពីអ្នកដឹកនាំធំៗ ក្នុងវិស័យនេះ ONE បានបោះទុនចំនួន ៥០លានដុល្លា ដើម្បីដាក់បញ្ចូលកីឡាពីរគឺ កីឡាក្បាច់គុនប្រដាល់ និងកីឡា E-Sport ចូលក្នុងដំបូលរួម ស្ថាប័ននេះ។
លោក Chatri Sityodtong នាយកប្រតិបត្តិ និង CEO របស់ ONE Championship បានលើកឡើងថា៖ «យើងឃើញថាខាងក្បាច់គុន និងខាងហ្គេមនៅអាស៊ីគឺស៊ីគ្នា ហើយយើងយកឱកាសនេះច្របាច់កីឡាពីរនេះចូលគ្នាតែម្តងទៅ»។
សម្រាប់ឆ្នាំ ២០១៩ខាងមុខអ្នកស្នេហាវិស័យកីឡាទាំងអស់ នឹងអាចទស្សនាទាំង ប្រដាល់គុនខ្មែរ គុនចម្រុះ និង ការប្រកួត E-Sport ដ៏ល្បីល្បាយជាងគេនៅក្នុងសប្ដាហ៍តែមួយតែម្តង។
លោក លន់ សាមឌី អគ្គលេខាធិការសហព័ន្ធកីឡាអេឡិចត្រូនិចកម្ពុជា (EFC) និយាយពេលបានដឹងពីការបោះទុនរបស់ ONE៖ «បានឭចឹង ខ្ញុំរីកថ្លើមស្លាប់ហើយ។ ហេតុផល ដែលមានក្រុមហ៊ុនធំៗមកដាក់ទុនវិស័យនេះច្រើន អាចនិយាយបានថាទី១មកពី GDP យើងឡើង ហើយទី២ស្រុកទេសយើងមានសន្តិភាព អត់សង្គ្រាម កំពុងតែលូតលាស់»។
ចាប់តាំងពីសហព័ន្ធ E-Sport បានចាប់សម្ពោធជាផ្លូវការនាចុងឆ្នាំ ២០១៤។ សព្វថ្ងៃ កម្ពុជាមានក្រុមកីឡាករលេង E-Sport ដែលនឹងត្រៀមខ្លួនតំណាងឲ្យព្រះរាជាណាចក្រកម្ពុជា នៅក្នុងព្រឹត្តិការណ៍ Southeast Asian Games ប្រព្រឹត្តិទៅនៅប្រទេសហ្វីលីពីនឆ្នាំក្រោយ៕
អត្ថបទ៖ Matias Andres