- 2018-11-15 09:01:00
- ប្រដាល់
រ៉េមមី ហ៊ូ ការជួយកីឡាករកម្ពុជាលើកនេះ មិនមែនលើកចុងក្រោយ
- 2018-11-15 09:01:00
- ចំនួនមតិ 0 | ចំនួនចែករំលែក 0
រ៉េមមី ហ៊ូ ការជួយកីឡាករកម្ពុជាលើកនេះ មិនមែនលើកចុងក្រោយ
ចន្លោះមិនឃើញ
អ្នកជំនាញច្នៃម៉ូដសំលៀកបំពាក់លំដាប់អន្តរជាតិ លោក រ៉េមមី ហ៊ូ បានកាត់ខោអាវ ដល់កីឡាករជើងខ្លាំងវ័យក្មេង សុខ ធី លើកនេះមិនមែនជាលើកចុងក្រោយនោះទេ ដោយគម្រោងសហការជាមួយសហព័ន្ធ MMA កម្ពុជា យ៉ាងហោចណាស់ក៏២ឆ្នាំ។
លោក រ៉េមមី ហ៊ូ បានឲ្យដឹងថា លោកសប្បាយចិត្តដែលបានរួមសហការគ្នាជាមួយសហព័ន្ធ MMA កម្ពុជា ហើយបានកាត់ខោអាវសម្រាប់កីឡាករបានចេញទៅក្រៅប្រទេសដើម្បីប្រកួតតំណាងឲ្យប្រទេសម្ដងៗ។ រឹតតែសប្បាយជាងនេះទៅទៀតនោះ បានកាត់ឲ្យ សុខ ធី ព្រោះពេលបានដឹងប្រវត្តិប្រកួត និងសមត្ថភាពប្រកួតជើងខ្លាំងរូបនេះពិតជាអស្ចារ្យណាស់។
បុរសខ្មែរអាមេរិកខាងលើនេះ បញ្ជាក់ដែរថា នេះមិនមែនជាលើកចុងក្រោយដែលកាត់ខោអាវជូនកីឡាករកម្ពុជានោះទេ ពោលគឺនឹងសហការគ្នាមានយូរអង្វែងទៀត ហើយនៅជំហានបន្ទាប់អាចមានការបន្ថែមលើការតុបតែងពីលើបច្ចុប្បន្ននេះ។
លោក រ៉េមមី ហ៊ូ ជាតារាច្នៃម៉ូដខោអាវល្បីឈ្មោះលើឆាកអន្តរជាតិ។ ពីរលើកចុងក្រោយនេះ លោកបានជួយកាត់ខោអាវដល់កីឡាករប្រដាល់កម្ពុជា មាស ម៉ើ រិន សារ័ត្ន ហ៊ុន ច័ន្ទរាជ្យ សាន សៃយ៉ាន់ និង សុខ ធី ដើម្បីស្លៀកទៅចូលរួមការប្រកួតនៅកម្មវិធី One Championship ផងដែរ៕