- 2018-11-14 04:26:22
- កីឡាផ្សេងៗ
ចំណុចចាប់អារម្មណ៍ដែលប្រិយមិត្តមិនគួររំលងសង្វៀន ONE នៅឥណ្ឌូណេស៊ី
- 2018-11-14 04:26:22
- ចំនួនមតិ 0 | ចំនួនចែករំលែក 0
ចំណុចចាប់អារម្មណ៍ដែលប្រិយមិត្តមិនគួររំលងសង្វៀន ONE នៅឥណ្ឌូណេស៊ី
ចន្លោះមិនឃើញ
ការប្រកួតក្បាច់គុនចម្រុះ ONE Championship វិលទៅកាន់ទីក្រុងហ្សាការតា ប្រទេសឥណ្ឌូណេស៊ី ជាតិថ្មីនៅចុងសប្ដាហ៍នេះក្នុងការប្រកួត ONE: WARRIOR'S DREAM ថ្ងៃសៅរ៍ទី១៧ ខែវិច្ឆិកា។ ចំណុចដែលប្រិយមិត្តមិនគួរខកខានតាមដានចុងសប្ដាហ៍នេះមានដូចជា៖
១. ការដណ្ដើមខ្សែក្រវាត់ពិភពលោក
Tyler McGuire ត្រូវដណ្ដើមខ្សែក្រវាត់ពិភពលោកទម្ងន់ស្រាលជាមួយគូប្រជែង Kadestam។ កីឡាករមកពីអាមេរិកមិនទាន់ស្គាល់ពាក្យថាចាញ់នោះទេក្នុងការប្រកួតដាក់ទ្រុង MMA ក្នុងនោះប្រកួត១១ដងឈ្នះទាំង១១ដង។ ងាកទៅមើល Kadestam វិញត្បិតធ្លាប់ឈ្នះ ធ្លាប់ចាញ់តែកីឡាកររូបនេះនឹងជាគូប្រជែងដ៏តានតឹងរបស់ McGuire។ Kadestam វាយ១៤ដង ឈ្នះ១០ និងចាញ់៤។
២. ការបង្ហាញខ្លួនលើកដំបូងរបស់ Nieky Holzken
Nieky Holzken ម្ចាស់ជើងឯកប្រដាល់សេរីពិភពលោកនឹងបង្ហាញខ្លួនលើកដំបូងនៅ ONE Championship ប៉ះ Cosmo Alexandre ជនជាតិប្រេស៊ីល។ អ្នកប្រើកណ្ដាប់ដៃជនជាតិហូឡង់ធ្លាប់គ្រោងជើងឯកពិភពលោក២លើកក្នុងអាជីពប្រដាល់សេរីរយៈពេល១៦ឆ្នាំ ដូច្នេះការបង្ហាញខ្លួនលើសង្វៀនដាក់ទ្រុងលើកទីមួយរបស់គេនឹងទទួលការចាប់អារម្មណ៍ខ្លាំង។
៣. សុខ ធី របស់កម្ពុជា ឡើងជម្រះបញ្ជី ឡឹតសិលា
អ្នកប្រដាល់វ័យក្មេងរបស់កម្ពុជា សុខ ធី ត្រូវតទល់ជាមួយគូប្រជែងចាស់វស្សា ឡឹតសិលា សម្រាប់ការវ៉ៃសេរី។ មួយគូនេះធ្លាប់ប៉ះគ្នាម្ដងរួចមកហើយក្នុងកម្មវិធី ONE: PINNACLE OF POWER កាលពីខែមិថុនាដែលកាលណោះ ឡឹតសិលា បានយកឈ្នះទាំងចម្រូងចម្រាស។
៤. ការសម្លឹងជ័យជម្នះលើកទី៣របស់កីឡាករម្ចាស់ផ្ទះ Elipitua Siregar
Elipitua Siregar គឺជាយុវជនមានទេពកោសល្យរបស់ឥណ្ឌូណេស៊ីលើកីឡា MMA។ កីឡាករវ័យ២១ឆ្នាំធ្លាប់ប្រកួតក្បាច់គុនចម្រុះនេះ២លើក ហើយឈ្នះទាំង២។ ការប្រកួតលើកទី៣យុវជនមានប្រភពមកពីកោះបាលីត្រូវប្រឈមមុខនឹងកីឡាករ រហស្សនាម ពីងពាង Muhammad Imran មកពីបាគីស្ថាន។ បើសិនអាចយកឈ្នះលើគូប្រកួតទៀតនោះ Siregar នឹងធ្វើបានកំណត់ត្រាឈ្នះ១០០% ក្នុងអាជីពរបស់ខ្លួន៕