- 2018-11-14 03:27:57
- ប្រដាល់
អ្នកប្រដាល់ថៃវ័យ១៣ឆ្នាំម្នាក់ស្លាប់ ក្រោយត្រូវជាច្រើនដៃចំក្បាល
- 2018-11-14 03:27:57
- ចំនួនមតិ 0 | ចំនួនចែករំលែក 0
អ្នកប្រដាល់ថៃវ័យ១៣ឆ្នាំម្នាក់ស្លាប់ ក្រោយត្រូវជាច្រើនដៃចំក្បាល
ចន្លោះមិនឃើញ
ថៃត្រូវទទួលសម្ពាធជាថ្មីក្នុងបម្រាមមិនឲ្យកុមារប្រកួត បន្ទាប់ពីអ្នកប្រដាល់វ័យ១៣ឆ្នាំម្នាក់បានស្លាប់ ក្រោយសន្លប់លើសង្វៀនប្រដាល់។
កុមារា Anucha Kochana បានប្រកាសថាស្លាប់ពីបញ្ហាហូរឈាមក្នុងខួរក្បាលពីរថ្ងៃបន្ទាប់ពីការប្រកួតក្នុងកម្មវិធីសប្បុរសធម៌មួយ។ បើតាមប្រភពឲ្យដឹងថា Anucha ចាប់ផ្ដើមប្រកួតតាំងពីអាយុ៨ឆ្នាំ ធ្លាប់ឡើងសង្វៀនបាន១៧០ដង ដើម្បីរកលុយជួយគ្រួសារ។
សភាថៃកំពុងតែពិនិត្យមើលច្បាប់គួរដាក់បម្រាមមិនឲ្យក្មេងអាយុក្រោម១២ឆ្នាំឡើងប្រកួតប្រដាល់។ ក្នុងការប្រកួត Anucha ត្រូវដៃគូវាយចំក្បាលជាច្រើនដៃ មុនពេលដួលលើរេញ។ ដៃគូប្រកួតរបស់គេដែលមានវ័យ១៤ឆ្នាំបាននិយាយថា គេពិតជាសោកស្ដាយខ្លាំងពីអ្វីដែលបានកើតឡើង និងគេក៏មិនចង់ឲ្យនរណាស្លាប់ដែរ។ គេមានគម្រោងដាក់ដេញថ្លៃលក់ខោដែលពាក់ប្រកួតដើម្បីយកលុយទៅជួយគ្រួសារ Anucha Kochana៕
