- 2018-11-14 02:47:11
- វិភាគ
ស្ដាយអបអរ ៥ដែលធ្វើឲ្យកក្រើកពិភពបាល់ទាត់
- 2018-11-14 02:47:11
- ចំនួនមតិ 0 | ចំនួនចែករំលែក 0
ស្ដាយអបអរ ៥ដែលធ្វើឲ្យកក្រើកពិភពបាល់ទាត់
ចន្លោះមិនឃើញ
បាល់ទាត់គឺជាកីឡាដែលមានប្រជាប្រិយភាពបំផុតនៅលើពិភពលោក។ កីឡានេះត្រូវបានគេលេងស្ទើរតែគ្រប់ជ្រុងនៃពិភពលោក ដូច្នេះហើយទើបបាល់ទាត់មានអ្នកគាំទ្រយ៉ាងច្រើន។
ការអបអរពេលស៊ុតបញ្ចូលទីបានក្លាយជាផ្នែកមួយដ៏សំខាន់របស់កីឡាបាល់ទាត់នាពេលបច្ចុប្បន្ន។ ការអបអរកើតឡើងក្រោយពេលកីឡាករស៊ុតបញ្ចូលទីឲ្យក្រុមឈ្នះការប្រកួត ឬក៏តាមស្មើនៅវិនាទីចុងក្រោយជាដើម។
ដើម្បីទាក់ទាញចំណាប់អារម្មណ៍កីឡាករតែងបង្កើតស្ទីលអបអរប្លែកៗហើយមួយចំនួនបានទទួលការពេញនិយមពីអ្នកគាំទ្រ ដោយជារឿយៗគេឃើញអ្នកគាំទ្រយកស្ទីលទាំងនោះធ្វើត្រាប់តាមនិងបង្ហោះលើបណ្ដាញសង្គម។ យើងទៅមើលស្ទីលអបអរ៥នៅខាងក្រោម៖
#៥ Paulo Dybala
ការយកម្រាមដៃដាក់បាំងច្រមុះរបស់ Dybala ជាស្តាយអបអរពេញនិយមមួយដែលគេឲ្យឈ្មោះ Mask Celebration។
#៤ Kylian Mbappe
Mbappe តែងបង្អូសជង្គង់ និងឱបដៃរាល់លើកដែលស៊ុតបញ្ចូលទីឲ្យ PSG និងក្រុមជម្រើសជាតិបារាំង។
#៣ Dele Alli
ការអបអររបស់ Dele Alli មានការពេញនិយមជាងគេរហូតមានការធ្វើ Challenge តគ្នាដែលគេឲ្យឈ្មោះថា Dele Alli Challenge គឺត្រឡប់ម្រាមដៃ ធ្វើអក្សរ "O” បាំងភ្នែកមួយចំហៀង។
#២ Antoine Griezmann
ស្ទីលយកម្រាមដៃធ្វើអក្សរអិល "Take the L" របស់ Griezmann ក៏ជាការអបអរពេញនិយមមួយដែរសម្រាប់អ្នកគាំទ្រ។
#១Paul Pogba
ចុងក្រោយគេគឺស្ទីលអបអរ "The Dab" របស់ Pogba ដែលពេញនិយមខ្លាំងមួយរយៈមុន។ Pogba ចូលចិត្ត Dab រាល់ពេលខ្លួនឯងស៊ុតចូលទី និងក្រោយពេលឈ្នះការប្រកួត ឬលើកពាន៕