- 2018-11-14 03:04:44
- ប្រដាល់
សុខ ធី ថាប៉ះ ឡឹតសិលា លើកនេះ ចូលវ៉ៃតាំងពីទឹក១ តែម្ដង
- 2018-11-14 03:04:44
- ចំនួនមតិ 0 | ចំនួនចែករំលែក 0
សុខ ធី ថាប៉ះ ឡឹតសិលា លើកនេះ ចូលវ៉ៃតាំងពីទឹក១ តែម្ដង
ចន្លោះមិនឃើញ
អ្នកប្រដាល់ល្បីឈ្មោះរបស់កម្ពុជា សុខ ធី គិតថាជើងខ្លាំងថៃ ឡឺតសិលា នឹងមិនប្ដូរទម្រង់វ៉ៃថ្មីនោះទេ គឺវ៉ៃដកៗ និងទាត់ជើងក្រោមដដែល។
សុខ ធី ប្រាប់ឲ្យដឹងថា សម្រាប់ការចេញទៅប្រកួតនៅប្រទេសឥណ្ឌូណេស៊ីលើកនេះ គឺត្រៀមខ្លួនបានល្អណាស់ ការហ្វឹកហាត់បានរយៈពេលយូរ និងការសម្រាកហូបចុកក៏ល្អគ្រប់គ្រាន់ផងដែរ។ ប្រកួតលើកនេះគឺហាត់ផ្ដោតខ្លាំងគឺកម្លាំងតែម្ដង។
សម្រាប់ការប៉ះគ្នាជាមួយ ឡឺតសិលា ម្ដងនេះខ្លួននឹងដើរចូលវ៉ៃពីទឹកទី១ទៅតែម្ដង ព្រោះអីមើលទៅកម្លាំងរបស់ថៃម្នាក់នេះចាប់ពីទឹកទី២ទៅគឺចាប់ផ្ដើមអស់ ដល់ចូលទឹក៣ អស់តែម្ដងបានត្រឹមទប់ៗប៉ុណ្ណោះ។ តាមការគិតរបស់ សុខ ធី ឡឺតសិលា វ៉ៃលើកនេះនឹងប្រើទម្រង់វ៉ៃដដែល វ៉ៃ ១-២ រហ័ស និងដកទាត់ក្រោម ព្រោះប្រហែលមិនហ៊ានប្ដូរជាមួយខ្លួនឡើយ។
ម្ចាស់ខ្សែក្រវាត់ គូបូតា ទម្ងន់៥៧គីឡូក្រាមម្នាក់នេះ សូមឲ្យអ្នកគាំទ្រកុំបន្ទោសនៅពេលចាញ់ ឬឈ្នះ ហើយបន្តគាំទ្រតទៅ និងកុំភ្លេចរង់ចាំទស្សនាការប្រកួតមិត្តភាពអន្តរជាតិមួយនេះ។ ប៉ុន្តែទោះជាយ៉ាងក៏ដោយខ្លួននឹងខំប្រឹងប្រែធ្វើឲ្យអស់ពីសមត្ថភាពដើម្បីទទួលបានជ័យជម្នះជូនកម្ពុជា។
បញ្ជាក់ផងដែរថាកីឡាករកម្ពុជា សុខ ធី នឹងត្រូវប៉ះគ្នាម្ដងទៀតជាមួយជើងខ្លាំងថៃ ឡឺតសិលា នៅឯប្រទេសឥណ្ឌូណេស៊ី នាថ្ងៃទី១៧ ខែវិច្ឆិកា ២០១៨ ក្នុងកម្មវិធីលំដាប់ពិភពលោក One Championship។ អ្នកប្រដាល់កម្ពុជាខាងលើនេះធ្លាប់ប៉ះគ្នាជាមួយ ឡឺតសិលា ម្ដងហើយនៅទីក្រុងម៉ាកាវ ប្រទេសចិន ដោយលទ្ធផលចាញ់ពិន្ទុមិនច្បាស់ និងបានសំណង់ជាទឹកប្រាក់ ៥០០០ដុល្លារបន្ទាប់ពីប្រកួតនោះផងដែរ៕
