- 2018-11-13 09:23:11
- ប្រដាល់
ហ៊ុន ច័ន្ទរាជ្យ៖ ខ្ញុំបានធ្វើតាមបំណងអ្នកគាំទ្រហើយ
- 2018-11-13 09:23:11
- ចំនួនមតិ 0 | ចំនួនចែករំលែក 0
ហ៊ុន ច័ន្ទរាជ្យ៖ ខ្ញុំបានធ្វើតាមបំណងអ្នកគាំទ្រហើយ
ចន្លោះមិនឃើញ
គ្រូប្រដាល់ខ្មែរ អាមេរិក ហ៊ុន ច័ន្ទរាជ្យ បានធ្វើតាមបំណងរបស់អ្នកគាំទ្រគុនខ្មែរហើយ ដោយរៀបចំឲ្យជើងខ្លាំងគុនខ្មែរ សុខ ធី បានសងសឹកជាមួយអ្នកប្រដាល់ល្បីឈ្មោះថៃ ឡឺតសិលា ជាថ្មីទៀតនាថ្ងៃទី១៧ វិច្ឆិកា ២០១៨។
លោក ហ៊ុន ច័ន្ទរាជ្យ បានឲ្យដឹងថា ពិតជាសប្បាយចិត្តខ្លាំងដែលបានជួយរៀបចំឲ្យមានការប៉ះគ្នាបែបនេះម្ដងទៀតជាមួយ ឡឺសិលា នៅទីក្រុង Jakarta ពាក់កណ្ដាលខែនេះ។ ព្រោះមានអ្នកគាំត្រច្រើនណាស់សំណូមពរឲ្យប៉ះគ្នាម្ដងទៀត។ លោក រឹតតែសប្បាយចិត្តជាងនេះទៅទៀតនោះ នៅពេលឃើញកីឡាករ សុខ ធី មានសមត្ថភាពខ្លាំងដែលអាចប្រកួតជាមួយជើងខ្លាំងរបស់ថៃ ហើយអាចសាងកេរ្តិ៍ឈ្មោះសាងភាពល្បីល្បាញឲ្យលើឆាកអន្តរជាតិជូនកម្ពុជាបែបនេះ។
គ្រូប្រដាល់ដែលតែងតែនាំកីឡាករចេញចូលក្រៅប្រទេសរូបនេះបន្ថែមថា តាមការមើលជាក់ស្ដែងលើកនេះ សុខ ធី ហ្វឹកហាត់ខ្លាំងមែនទែន សមត្ថភាពមានការរីកចម្រើនថែមទៀតផង។ ទាំងកម្លាំងស៊ុហ្វ និងល្បឿនគឺល្អជាងមុនទៅទៀត ហើយលោកក៏ជឿជាក់លើអ្នកប្រដាល់មកពីបន្ទាយមានជ័យរូបនេះផងដែរ។
បញ្ជាក់ផងដែរថា សុខ ធី រួមទាំងលោកគ្រូ សាន សៃយ៉ាន់ និងលោក ហ៊ុន ច័ន្ទរាជ្យ បានចាកចេញពីកម្ពុជាហើយនារសៀលថ្ងៃទី១៣ ខែវិច្ឆិកា ២០១៨ ដើម្បីចូលរួមការប្រកួតសងសឹកជាមួយជើងខ្លាំងថៃ ឡឺតសិលា ក្នុងកម្មវិធី One Championship ចុងសប្ដាហ៍នេះនៅប្រទេសឥណ្ឌូណេស៊ី៕