ឈ្នះ៤ប្រកួតជាប់គ្នា Real សម្រេចយក Solari ជាអ្នកចាត់ការពេញសិទ្ធ

2018-11-13 01:11:05
ព័ត៌មាន

2018-11-13 01:11:05
ចំនួនមតិ 0 | ចំនួនចែករំលែក 0

ចន្លោះមិនឃើញ

Real Madrid បានសម្រេចតែងតាំងអតីតគ្រូបណ្ដោះអាសន្នគឺលោក Santiago Solari ជាអ្នកចាត់ការពេញសិទ្ធរបស់ក្លឹប។

ប្រភពពីសហព័ន្ធបាល់ទាត់អេស្ប៉ាញឲ្យដឹងថាក្លឹបយក្សរបស់ La Liga បានផ្ដល់កុងត្រាផ្លូវការមួយដល់ Solari ប៉ុន្តែមិនទាន់ប្រកាសថាមានរយៈពេលប៉ុន្មានឆ្នាំនៅឡើយទេ។ បុរសវ័យ៤២ឆ្នាំចូលកាន់តំណែងកាលពីខែតុលា ថ្ងៃទី២៩ បន្ទាប់ពី Real បណ្ដេញលោក Julen Lopetgui ចេញពីតំណែង។

ក្រោមការដឹកនាំ៤ប្រកួតដំបូងកន្លងមករបស់អ្នកចាត់ការសញ្ជាតិអាហ្សង់ទីន Real Madrid ឈ្នះទាំង៤ដង វាជាកំណត់ត្រាល្អបំផុតមិនធ្លាប់មានអ្នកចាត់ការណាធ្លាប់ធ្វើបាន ក្នុងប្រវត្តិសាស្ត្ររបស់ក្លឹប។ ៤ប្រកួតនោះគឺបានយកឈ្នះ Melilla, Viktoria Plzen, Real Valladolid និង Celta Vigo។

Real ស៊ុតចូលគូប្រកួត១៥គ្រាប់ និងរបូត២គ្រាប់ក្រោមការដឹកនាំរបស់អ្នកចាត់ការថ្មី ហើយបច្ចុប្បន្នកំពុងឈរលេខ៦ ចាញ់ក្រុមកំពូលតារាង Barcelona ត្រឹម៤ពិន្ទុប៉ុណ្ណោះ៕