- 2018-11-12 04:48:22
- ប្រដាល់
ឈិត សេរីវណ្ណថង សរសើរ ធ្នូសឹកឡេក ល្អជាងកាលប៉ះគ្នាលើកមុនទៀត
- 2018-11-12 04:48:22
- ចំនួនមតិ 0 | ចំនួនចែករំលែក 0
ឈិត សេរីវណ្ណថង សរសើរ ធ្នូសឹកឡេក ល្អជាងកាលប៉ះគ្នាលើកមុនទៀត
ចន្លោះមិនឃើញ
អ្នកប្រដាល់មកពីខេត្តបាត់ដំបង ឈិត សេរីវណ្ណថង សរសើរជើងខ្លាំងថៃ ធ្នូសឹកឡេក ថារឹតតែល្អជាងកាលប៉ះគ្នាលើកទី១ទៅទៀត ម្សិលមិញនេះនៅសង្វៀន CNC។
វណ្ណថង បានឲ្យដឹងថា អ្នកប្រដាល់ថៃខាងលើនេះ បើប្រៀបធៀបពីសមត្ថភាពកាលប៉ះគ្នាលើកទី១ មិនសូវជាល្អប៉ុន្មានទេ ពោលគឺវ៉ៃអស់ស៊ុហ្វនៅចុងទឹក ៤-៥។ ប៉ុន្តែប្រកួតម្សិលមិញវគ្គសន្សំពិន្ទុក្នុងពូល សមត្ថភាពកីឡាករ ធ្នូសឹកឡេក រឹតតែល្អ និងខ្លាំងវ៉ៃបានពេញ៥ទឹកតែម្ដង។
កូនប្រុសលោក ឈុត សេរី រូបនេះក៏ប្រាប់ពីចន្លោះប្រហោងរបស់ខ្លួនម្សិលមិញដែរថា ចុងបញ្ចប់ការប្រកួតនោះគឺអស់ស៊ុហ្វតែម្ដង ដោយសារតែដៃគូចូលបុកខ្លាំងពេក ត្រូវវ៉ៃទប់ទល់និងគេរហូតដូច្នេះអស់រលីង។ ចំណុចនេះដែរ ខ្លួននឹងត្រូវខំប្រឹងហាត់បន្ថែមទៀតដើម្បីឲ្យល្អជាងនេះនៅប្រកួតក្រោយៗទៀត។
ឈិត សេរីវណ្ណថង ធ្លាប់ប៉ះគ្នាពីរលើកមកហើយជាអ្នកប្រដាល់ឆ្លងដែនមកពីថៃ ធ្នូសឹកឡេក ដោយលើកទី១មិត្តភាពអន្តរជាតិគឺស្មើគ្នា លើកទី២ថ្ងៃអាទិត្យម្សិលមិញនេះឈ្នះពិន្ទុ។ អ្នកប្រដាល់រូបនេះកំពុងមាន៩ពិន្ទុក្នុងដៃ ក្រោយ៣ប្រកួតឈ្នះទាំង៣នៃវគ្គសន្សំពិន្ទុពានរង្វាន់ ISI ទម្ងន់៥៧គីឡូក្រាម៕