- 2018-11-12 01:17:25
- ព័ត៌មាន
Mouriho ថា City ឈ្នះដោយសារមិនសូវហត់ដូច Man Utd
- 2018-11-12 01:17:25
- ចំនួនមតិ 0 | ចំនួនចែករំលែក 0
Mouriho ថា City ឈ្នះដោយសារមិនសូវហត់ដូច Man Utd
ចន្លោះមិនឃើញ
Jose Mourinho ជឿជាក់ថាការលេងក្នុងដី២ប្រកួតចុងក្រោយរបស់ Manchester City គឺផ្ដល់ផលចំណេញច្រើនដល់ពួកគេក្នុងការលេងទល់នឹង United។
៣គ្រាប់របស់ម្ចាស់ផ្ទះនាំមកឲ្យដោយថ្វីជើងកីឡាករ David Silva, Sergio Aguero និង Ilkay Gundogan ជួយឲ្យក្រុមរហស្សនាមថាពណ៌ផ្ទៃមេឃបាន៣ពិន្ទុនៅ Etihad បន្តឈរកំពូលតារាង មានគម្លាត២ពិន្ទុពី Liverpool។
យ៉ាងណាអ្នកចាត់ការសញ្ជាតិព័រទុយហ្គាល់មើលឃើញថាប្រកួតនេះ City ចំណេញកម្លាំងច្រើនបើធៀបជាមួយនឹង United ដែលជាក្រុមភ្ញៀវ។ ក្រុមលោក Pep លេង២ប្រកួតសុទ្ធតែក្នុងទឹកដីដោយយកឈ្នះ Southampton និង Shakhtar Donetsk នៅ Champions League។
ងាកទៅមើលបិសាចក្រហមវិញ នេះគឺជាប្រកួតក្រៅដីលើកទី៣ហើយសម្រាប់ពួកគេ ដោយក្រុមលោក Mourinho បានធ្វើដំណើរទៅផ្ទះ Bournemouth ហើយហោះទៅអ៊ីតាលីប៉ះ Juventus មុនពេលមកសួរសុខទុក្ខភ្ញៀវ City កាលពីយប់មិញ។
ការធ្វើដំណើរទៅមក ៣ប្រកួតជាប់គ្នា ហើយមានទាំងការហោះឆ្លងប្រទេសទៀតនោះធ្វើឲ្យកីឡាករមានការនឿយហត់និងចាញ់ប្រៀប City។ នេះបើតាមការមើលឃើញរបស់អ្នកចាត់ការសញ្ជាតិព័រទុយហ្គាល់៕