ប្រធានសហព័ន្ធតេក្វាន់ដូ ITF កម្ពុជា នឹងសម្ដែងក្នុងខួប១០០ឆ្នាំនៅកូរ៉េខាងជើង

2018-11-08 03:27:43
កីឡាផ្សេងៗ

2018-11-08 03:27:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រធានសហព័ន្ធតេក្វាន់ដូ ITF កម្ពុជា នឹងចូលរួមសម្ដែងស្នៀតគុនរបស់ខ្លួនក្នុងពិធី ខួប១០០ឆ្នាំអ្នកបង្កើតក្បាច់គុននេះឡើងនៅប្រទេសកូរ៉េខាងជើង។

ឯកឧត្ដម កែវ រ៉េមី ប្រធានសហព័ន្ធ

ឯកឧត្ដម កែវ រ៉េមី ប្រធានសហព័ន្ធតេក្វាន់ដូ ITF កម្ពុជាបានឲ្យដឹងថា ដោយមានការអញ្ជើញពិសេសពីភាគីខាងកូរ៉េខាងជើង ទើបលោក រួមនិងថ្នាក់ដឹកនាំ កីឡាករមួយចំនួនទៅចូលរួមក្នុងពិធីមួយនេះ។ កម្មវិធីមួយនេះ ប្រធានសហព័ន្ធទាំងអស់នៅបណ្ដាប្រទេសផ្សេងៗក៏មានមកចូលរួមផងដែរ។

ថ្នាក់ដឹកនាំ ITF

ថ្នាក់ដឹងនាំពីកម្ពុជាខាងលើនេះបន្ថែមទៀតថា ក្រៅតែចូលរួមក្នុងកម្មវិធីនេះ លោកផ្ទាល់ រួមទាំង លោកគ្រូ ប៊ួនហ៊ីង សុធីយ៉ា ក៏នឹងត្រូវសម្ដែងផងដែរ ហើយគោលបំណងនៃការសម្ដែងនេះគឺចង់បង្ហាញអំពី កម្រិតសមត្ថភាពតេក្វាន់ដូ ITF កម្ពុជា រាល់ការសម្ដែងនានាមិនដែលពឹងពាក់បរទេសឲ្យជួយសម្ដែងនោះឡើយ។ បន្ថែមពីលើនេះទៅទៀត ក៏បង្ហាញពីវិន័យ ចរិយាធម៌ សីលធម៌ និងពិសេសគឺបង្ហាញភាពរីកចម្រើនខាងផ្នែកកីឡារបស់កម្ពុជា។ ឆ្លៀតពេលនោះដែរ ក៏ប្រឡង់ឡើងដានបន្ថែមទៀត។

ទិដ្ឋភាពម្សិលមិញ

បញ្ជាក់ផងដែរថា ថ្នាក់ដឹកនាំសហព័ន្ធតេក្វាន់ដូ ITF កម្ពុជាមួយចំនួនបានចេញដំណើរកាលពីល្ងាចម្សិលមិញទៅប្រទេសកូរ៉េខាងជើង ដើម្បីចូលរួមក្នុងពិធីខួប ១០០ឆ្នាំ អ្នកដែលបង្កើតក្បាច់គុនមួយនេះឡើយ៕

អត្ថបទ៖ នួន ស៊ីណា