- 2018-11-08 23:12:00
- កីឡាផ្សេងៗ
មូលហេតុ៣យ៉ាង កម្ពុជាត្រូវតាមដានសង្វៀន ONE ថ្ងៃសុក្រនេះ
- 2018-11-08 23:12:00
- ចំនួនមតិ 0 | ចំនួនចែករំលែក 0
មូលហេតុ៣យ៉ាង កម្ពុជាត្រូវតាមដានសង្វៀន ONE ថ្ងៃសុក្រនេះ
ចន្លោះមិនឃើញ
ថ្ងៃសុក្រ ទី៩ ខែវិច្ឆិកានេះ ដែលត្រូវចំនឹងថ្ងៃទិវាឯករាជ្យជាតិ កម្ពុជានឹងមានវត្តមានលើសង្វៀនក្បាច់គុនពិភពលោក ដែលប្រព្រឹត្តទៅនៅកីឡដ្ឋានសិង្ហបុរីក្នុងព្រឹត្តិការណ៍ ONE: HEART OF THE LION ។ ជើងខ្លាំងកំពូលៗមកពីទូទាំងពិភពលោកចំនួន១៤គូ នឹងបញ្ចេញសមត្ថភាពតំណាងឱ្យប្រទេសរបស់ខ្លួនដើម្បីដណ្តើមយកជ័យជម្នះ។ ខាងក្រោមជាមូលហេតុបីយ៉ាងដែលកម្ពុជាត្រូវតាមដានថ្ងៃសុក្រនេះ៖
មាស ម៉ើ នឹងលើកទង់ជាតិកម្ពុជា
ជើងខ្លាំង មាស ម៉ើ ជើងឯកក្នុងកម្មវិធី Khmer Warrior Challenge រដូវកាលទី២ នឹងឡើងសង្វៀនតំណាងឱ្យព្រះរាជាណាចក្រកម្ពុជា។ អ្នកប្រដាល់មកពីខេត្ដកំពង់ធំ ត្រូវចូលវ៉ៃក្នុងទ្រុង ប្រភេទទម្ងន់ស្រាលជាមួយកីឡាករពីរសាសន៍ Anthony Engelen។
អ្នកលេងយូដូកម្ពុជារូបនេះ បានចាប់ផ្តើមអាជីពគុនចម្រុះដោយទទួលជ័យជម្នះ៥ដងជាប់ៗគ្នា ប៉ុន្តែឆ្នាំ២០១៨ នេះរូបគេមិនសូវល្អប្រសើរឡើយ។ ប្រសិនបើរូបគេអាចយកឈ្នះលើអតីតជើងឯកទម្ងន់ស្រាល Engelen បាននោះ គាត់នឹងស្តារកេរ្តិ៍ឈ្មោះឡើងវិញមិនខាន។ កំណត់ត្រាលើសង្វៀន រូបគេធ្លាប់ផ្តួលគូប្រកួត៩ដង ក្នុងចំណោម១១ដងរួចមកហើយនោះ។ ច្បាស់ណាស់ ថ្ងៃសុក្រនេះ មាស ម៉ើ នឹងអង្រួនចក្ខុអ្នកទស្សនាក៏ដូចជាជនរួមជាតិឲ្យហ៊ោកញ្ជ្រៀវពេញឆាក។
អតីតជើងខ្លាំង UFC ប៉ះគ្នាលើសង្វៀន ONE
អ្នកគាំទ្រនឹងមិនខកបំណងទេ ពីព្រោះ ONE ទើបប្រកាសថា អ្នកប្រដាល់ជើងខ្លាំង Demetrious Johnson និង Eddie Alvarez ដែលទើបចុះកុងត្រាជាមួយ ONE Championship ថ្មីៗនេះ នឹងបង្ហាញមុខជាផ្លូវការ។ អតីតម្ចាស់ជើងឯក UFCទាំងពីរ នឹងឡើងប្រកួតគ្នាប្រភេទទម្ងន់ស្រាលជាងគេរបស់ ONE Championship។
ម្ចាស់ខ្សែក្រវាត់ពិភពលោក ប៉ះម្ចាស់ខ្សែក្រវាត់ពិភពលោក
គូឯកសំខាន់ប្រចាំកម្មវិធី គឺម្ចាស់ខ្សែក្រវាត់ពិភពលោក Bibiano Fernandes ត្រូវតទល់នឹងមួយម្ចាស់ខ្សែក្រវាត់ពិភពលោកបណ្តោះអាសន្ន Kevin Belingon។ រយៈពេល៨ឆ្នាំនេះ Fernandes ទទួលបានជ័យជម្នះ១៤លើកជាប់គ្នាមិនទាន់ស្គាល់ពាក្យចាញ់ឡើយ រាប់បញ្ចូលទាំងការប្រយុទ្ធជាមួយ Kevin កាលពីខែមករា ឆ្នាំ២០១៦ដែលធ្វើឱ្យគាត់ក្លាយជាអ្នកលេងក្បាច់គុនដ៏ល្បីបំផុតនៅក្នុងប្រវត្តិសាស្ត្រ ONE៕