- 2018-11-07 03:15:46
- កីឡាផ្សេងៗ
អស្ចារ្យ! ONE គ្រោងចំណាយ៥០លានដុល្លាររៀបចំការប្រកួតកីឡា E-Sports ពិភពលោក
- 2018-11-07 03:15:46
- ចំនួនមតិ 0 | ចំនួនចែករំលែក 0
អស្ចារ្យ! ONE គ្រោងចំណាយ៥០លានដុល្លាររៀបចំការប្រកួតកីឡា E-Sports ពិភពលោក
ចន្លោះមិនឃើញ
ស្ថាប័នប្រដាល់កំពូល ONE Championship បោះជំហានមួយទៀតហើយគឺបើកសម្ពោធការប្រកួតជើងឯកកីឡាអេឡិចត្រូនិកកម្រិតពិភពលោក eSports Championship Series ដែលចាប់ដៃជាមួយក្រុមហ៊ុន Dentsu Inc ធំបំផុតរបស់ជប៉ុន។ ការប្រកួតនឹងចាប់ផ្តើមឆ្នាំ២០១៩។
តាមសេចក្តីប្រកាសព័ត៌មានព្រឹកថ្ងៃទី៧ វិច្ឆិកានេះបង្ហាញថា ONE គ្រោងចំណាយថវិកា ៥០លានដុល្លារជាមួយដៃគូដើម្បីរៀបចំការប្រកួត ONE eSports ជាស៊េរីទូទាំងទ្វីបអាស៊ីតែម្តង។ ការប្រកួតនឹងប្រមូលដោយជើងខ្លាំងទូទាំងអាស៊ី ហើយនឹងរៀបចំព្រឹត្តិការណ៍ប្រកួតស្របជាមួយនឹងកម្មវិធីប្រកួតគុនចម្រុះរបស់ ONE Championship ប្រចាំឆ្នាំ២០១៩តែម្តង។
តាមការគ្រោងទុក ONE មានកម្មវិធីប្រកួតចំនួន៣០ដងនៅក្នុងឆ្នាំ២០១៩ខាងមុខដែលប្រជុំដោយជើងខ្លាំងគុនចម្រុះទូទាំងអាស៊ី និងពិភពលោកដូចជានៅសិង្ហបុរី ថៃ ជប៉ុន កូរ៉េ ឥណ្ឌូណេស៊ី ចិន ហ្វីលីពីន ម៉ាឡេស៊ី វៀតណាម និងប្រទេសមួយចំនួនទៀត។ នៅពេលរៀបចំការប្រកួត MMA ទាំងនេះក៏នឹងមានរៀបចំការប្រកួត ONE eSports ជាមួយដែរ។
លោក Chatri Sityodtong អគ្គនាយក និងជា CEO របស់ ONE បាននិយាយថា ៖«ពិតជារំភើបដែលយើងប្រកាសរៀបចំការប្រកួត ONE eSports ទូទាំងអាស៊ី។ យើងចង់បំពេញចិត្តដល់អ្នកគាំទ្រទាំងផ្នែកគុនចម្រុះលើសង្វៀន និងកីឡាអេឡិចត្រូនិកតាមអនឡាញ។ យើងនឹងធ្វើឲ្យក្លាយជាតំបន់សង្វៀន ONE eSports ធំបំផុត»។
ដើម្បីរៀបចំព្រឹត្តិការណ៍នេះឡើង ONE បានសហការ និងប្រមូលផ្តុំអ្នកជំនាញ E-Sports ជាសកលតែម្តងដូចជា Razer, eSports Mogul, Razer Pay ជាដើម៕