Mahrez ឧទ្ទិសគ្រាប់ជ័យជម្នះលើ Spurs ឲ្យម្ចាស់ក្លឹប Leicester City

2018-10-30 00:39:40
ព័ត៌មាន

2018-10-30 00:39:40
ចំនួនមតិ 0 | ចំនួនចែករំលែក 0

ចន្លោះមិនឃើញ

Manchester City បានយកឈ្នះ Tottenham Hotspur ១ទល់នឹង០ដល់ក្នុងផ្ទះ សម្រាប់ការប្រកួតគូចុងក្រោយ Premier League នៅសប្ដាហ៍ទី១០។

ជ័យជម្នះតែ១គ្រាប់គត់របស់ក្រុមពណ៌ផ្ទៃមេឃធ្វើបានដោយ Riyad Mahrez នៅនាទីទី៦។ ភ្លាមៗក្រោយស៊ុតបញ្ចូលទីខ្សែបម្រើឆ្នើមរូបនេះបានលើកដៃទាំងពីរចង្អុលទៅលើដើម្បីឧទ្ទិសដល់លោក Vichai Srivaddhanaprabha ម្ចាស់ក្លឹប Leicester Cityដែលស្លាប់បាត់បង់ជីវិតកាលពីថ្ងៃអាទិត្យដោយគ្រោះថ្នាក់ធ្លាក់ ឧទ្ធម្ភាគចក្រដ៏រន្ធត់។

Mahrez បានចំណាយពេល ៤ឆ្នាំនៅ Leicester ជួយក្រុមឈ្នះ Premier League យ៉ាងគួរឲ្យភ្ញាក់ផ្អើលកាលពីឆ្នាំ២០១៦។ ទោះជារូបគេផ្ទេរទៅ Manchester City តែ Mahrez នៅតែគោរពស្រឡាញ់អតីតម្ចាស់ក្លឹបរបស់ខ្លួនថែមទាំងបានហៅលោក Vichai ថា "ដូចជាឪពុកបង្កើត"ដូច្នោះដែរ។

ក្រោយជ័យជម្នះយប់មិញ City បានឡើងទៅកំពូលតារាងវិញហើយរុញ Liverpool ទៅលេខ២ ដោយសារក្រុមលោក Pep មានគ្រាប់បាល់ចំណេញច្រើនជាងទោះជាមានពិន្ទុស្មើគ្នាក៏ដោយ៕