- 2018-10-26 07:53:44
- វិភាគ
៥ចំណុចគួរឲ្យចាប់អារម្មណ៍ពី Europa League យប់មិញ
- 2018-10-26 07:53:44
- ចំនួនមតិ 0 | ចំនួនចែករំលែក 0
៥ចំណុចគួរឲ្យចាប់អារម្មណ៍ពី Europa League យប់មិញ
ចន្លោះមិនឃើញ
កម្មវិធីពានធំទីពីររបស់ទ្វីបអឺរ៉ុបគឺ UEFA Europa League បានបញ្ចប់សប្ដាហ៍ទី៣របស់ខ្លួនកាលពីយប់មិញ ខណៈក្រុមទាំង៤៨មកពីលីគផ្សេងៗបានប្រកួតប្រជែងគ្នាយ៉ាងស្វិតស្វាញដើម្បីដណ្ដើមកៅអីទៅវគ្គ៣២ក្រុមចុងក្រោយ។ ខាងក្រោមគឺជារឿងរ៉ាវគួរឲ្យចាប់អារម្មណ៍មួយចំនួនដែលអ្នកអាចមិនបានដឹង៖
១. Briand ស៊ុតគ្រាប់ដំបូងក្រោយ ១៦៥៩ថ្ងៃ
Jimmy Briand បានស៊ុតបញ្ចូលទី១គ្រាប់ក្នុងការប្រកួត Europa League កាលពីយប់មិញ ហើយបើទោះជាមិនអាចជួយ Bordeaux ឲ្យឈ្នះ Zenit St. Petersburg បាន តែរូបគេបានស៊ុតបញ្ចូលទីលើកដំបូងនៅពានរង្វាន់ខាងលើក្រោយខកខានអស់១៦៥៩ថ្ងៃ។ លើកចុងក្រោយដែល Briand ស៊ុតនៅ Europa League គឺនៅខែមេសា ឆ្នាំ២០១៤។
២. Celtic បន្តដំណើរដ៏យ៉ាប់យ៉ឺននៅពានទ្វីបអឺរ៉ុប
ក្ដីស្រមៃទៅវគ្គ៣២ក្រុមរបស់ Celtic កាន់តែខើចខ្លីទៅៗក្រោយចាញ់ Leipzig ២-០។ ក្រុមជើងឯករបស់ស្កុតឡែនត្រូវការឈ្នះ៣ប្រកួតដែលនៅសល់ដើម្បីទៅវគ្គបន្តក្រោយមានតែ៣ពិន្ទុប៉ុណ្ណោះពី៣ប្រកួតកន្លងមក។
៣. ៦គ្រាប់របស់ Sevilla ស៊ុតដោយកីឡាករ៧រូបផ្សេងគ្នា
Sevilla បានស្វាគមន៍ Akhisar Belediyespor ដោយឲ្យផឹកស្រាពិន័យក្រោយយកឈ្នះក្នុងលទ្ធផលចាស់ដៃ ៦-០។ ៦គ្រាប់របស់ក្រុមអេស្ប៉ាញមួយនេះស៊ុតដោយកីឡាករ៦រូបផ្សេងគ្នាគឺ Roque Mesa, Pablo Sarabia, Milan Lukac, Luis Muriel, Quincy Promes និង Gabriel Mercado។
៤. Eintracht Frankfurt បន្តកំណត់ត្រាឈ្នះរបស់ខ្លួន
ក្រោយយកឈ្នះ Apollon Limassol ក្នុងទឹកដីក្រុម Frankfurt ពេលនេះឈ្នះ៥ប្រកួតជាប់គ្នានៅគ្រប់កម្មវិធីជាលើកដំបូងគិតចាប់ពីខែមិនាឆ្នាំ២០១២មក។
៥. Rangers ក្លាយជាគូទីពីរដែលបញ្ចប់ក្នុងលទ្ធផល ០-០
ក្រោយ៧២ប្រកួតនៅ Europa League វគ្គជម្រុះក្នុងពូល ទើបតែមាន២គូប៉ុណ្ណោះដែលបញ្ចប់ក្នុងលទ្ធផលគ្មានបាល់ស៊ុតបញ្ចូលទីគ្នា។ គូទីមួយគឺរវាង Olympiacos និង Real Betis ហើយគូទីពីរគឺរវាង Rangers និង Spartak កាលពីយប់មិញ៕