- 2018-10-22 06:46:37
- ប្រដាល់
វណ្ណថង ថាគ្រាន់តែរៀនទប់ក្បាច់ថៃដើរបុកនេះ ប្រហែល១សប្ដាហ៍
- 2018-10-22 06:46:37
- ចំនួនមតិ 0 | ចំនួនចែករំលែក 0
វណ្ណថង ថាគ្រាន់តែរៀនទប់ក្បាច់ថៃដើរបុកនេះ ប្រហែល១សប្ដាហ៍
ចន្លោះមិនឃើញ
អ្នកលេងគុនខ្មែរ ឈិត សេរីវណ្ណថង គ្រាន់តែហាត់ត្រៀមទប់ក្បាច់ដើរបុករបស់កីឡាករ Phit Bunmi គឺហាត់សមដដែលរយៈប្រហែល១សប្ដាហ៍ផងដែរ ទើបអាចទទួលបានជ័យជម្នះបែបនេះនាជំនួបសន្សំពិន្ទុម្សិលមិញ។
ឈិត សេរីវណ្ណថង បានឲ្យដឹងថា ការប្រកួតម្សិលមិញនេះពិតជាពិបាក និងតឹងតែងណាស់ ព្រោះអីដូចឃើញស្រាប់ហើយ កីឡាករថៃ Phit Bunmi ម្នាក់នេះ កាន់តែត្រូវកាន់តែដើរចូល ហើយការបុករបស់គេស្ទើរអស់ដង្ហើម បុកមិនខ្ចីឈប់។
អ្នកប្រដាល់ដើមកំណើតមកបាត់ដំបងខាងលើនេះបន្ថែមថា ដោយសារតែបានឪពុកបង្ហាត់ត្រៀមផងនោះ ទើបអាចបាន៣ពិន្ទុបែបនេះ។ វណ្ណថង លើកឡើងទៀតថា ឪពុករបស់ខ្លួនដើរចូលបុកដូចកីឡាករថៃបែបនេះអញ្ចឹង ដើម្បីឲ្យខ្លួនរៀនទប់ទល់ និងរកវិធីវ៉ៃចេញតបតវិញ។ ជាលទ្ធផលពីការហាត់បែបនេះ គឺចេះច្រើនដែរដូចជា ដកថយ តែទាត់ជើងក្រោម ថយមែនឆាកចេញឆ្វេង ឬស្ដាំ និងប្រើកែងវ៉ៃបក។
បញ្ជាក់ផងដែរថា សប្ដាហ៍ទី២នេះ ឈិត សេរីវណ្ណថង ផ្ដួលកីឡាករថៃ វណ្ណថង Phit Bunmi ឲ្យខូចជើងនៅទឹកទី៤ ឥលូវនេះកំពុងមាន៦ពិន្ទុក្នុងដៃនៃពានរង្វាន់ទម្ងន់ ៥៧គីឡូក្រាម កណ្ដាប់ដៃដែក ISIរបស់ CNC។ ចំណែក ឡុង ជិន បរាជ័យជាលើកទី២ បន្ទាប់ពីចាញ់ Phoutakwan ទឹកទី៤៕