Suzuki Cup ចាត់ទុក ចាន់ វឌ្ឍនាកា និង ឈិន ឈឿន ជាកីឡាករគួរឱ្យចាប់អារម្មណ៍

2018-10-19 01:56:08
បាល់ទាត់

2018-10-19 01:56:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ពានរង្វាន់ AFF Suzuki Cup 2018 នឹងឈានចូលមកដល់នៅដើមខែក្រោយនេះហើយ ដោយកម្ពុជាក៏មានវត្តមានប្រកួតប្រជែងក្នុងពានរង្វាន់មួយនេះដែរ។

មុនការប្រកួតនេះចាប់ផ្ដើម ខាង Suzuki Cup បានជ្រើសរើសកីឡាករល្អៗតាមប្រទេសនីមួយៗ ដើម្បីឱ្យអ្នកគាំទ្រចាប់អារម្មណ៍។ សម្រាប់កម្ពុជា ពួកគេបានជ្រើសរើសយកខ្សែប្រយុទ្ធ ចាន់ វឌ្ឍនាកា និងខ្សែបម្រើ ឈិន ឈឿន។ វឌ្ឍនាកា បានបង្ហាញទម្រង់លេងគួរឱ្យកត់សម្គាល់ក្នុងការប្រកួតជាមួយទីម័រ និងសិង្ហបុរី។ មិនបានជួយក្រុមឈ្នះមែន ប៉ុន្តែកីឡាករធ្លាប់លេងនៅជប៉ុនរូបនេះ បានជួយក្រុមច្រើននៅតំបន់ប្រយុទ្ធ។

ដោយឡែកសម្រាប់ ឈឿន វិញ លេងនៅតំបន់ស្លាបស្ដាំ បានជួយច្រើនមែនទែន មិនថាបម្រើនោះទេ។ ជាក់ស្ដែងការប្រកួតប៉ុន្មានលើកចុងក្រោយនេះ រូបគេក៏មានឱកាសស្វែងរកគ្រាប់បាល់ផងដែរ។ ជាមួយសមត្ថភាពញាក់បាល់ និងល្បឿនរបស់គេ ត្រូវបាន Suzuki Cup មើលឃើញ និងចាត់ទុកថាជាកីឡាករមិនអាចរំលងបានម្នាក់របស់កម្ពុជា។

មិនត្រឹមតែជ្រើសរើសយកកីឡាករល្អនេះដែរ ខាងអ្នករៀបចំកម្មវិធីខាងលើក៏ចាត់ទុកកម្ពុជា ជាក្រុមមួយដែលមានអ្នកគាំទ្រអស្ចារ្យ និងគួរឱ្យមើលការប្រកួតរបស់ពួកគេផងដែរ។ ការប្រកួតពានរង្វាន់ខាងលើនឹងធ្វើឡើងនៅថ្ងៃទី ០៨ ខែវិច្ឆិកា ឆ្នាំ ២០១៨ រហូតដល់ថ្ងៃទី ១៥ ខែធ្នូ ឆ្នាំ ២០១៨។ ដោយកម្ពុជា ស្ថិតនៅពូលជាមួយវៀតណាម ឡាវ ម៉ាឡេស៊ី និងមីយ៉ាន់ម៉ា៕

អត្ថបទ៖ មុន្នីរម្យ