Scholes៖ ស្ថានភាពពេលនេះមាន Messi ក៏ពិបាកជួយ Man Utd ដែរ

2018-10-17 08:56:41
ព័ត៌មាន

2018-10-17 08:56:41
ចំនួនមតិ 0 | ចំនួនចែករំលែក 0

ចន្លោះមិនឃើញ

Paul Scholes បានលើកឡើងថា សូម្បីតែ Lionel Messi ក៏ត្រូវពុះពារទាំងលំបាកដែរ សម្រាប់ស្ថានភាពរបស់ Manchester United ពេលបច្ចុប្បន្ន។

អតីតកីឡាកររបស់បិសាចក្រហមបានរិះគន់ជារឿយចំពោះក្លឹបចាស់របស់ខ្លួន ដោយពេលនេះកំពុងឈរលេខ៨ក្នុងតារាងពិន្ទុ Premier League គម្លាត៧ពិន្ទុពីក្រុមលេខមួយ Man City។ កាលពីរដូវកាលមុន ពួកគេបានបណ្ដោយឲ្យក្រុមលោក Pep Guardiola លើកពានជាមួយពិន្ទុបំបែកកំណត់ត្រា។

ទាក់ទងនឹងរឿងនេះ Scholes បានបញ្ចេញមតិថា៖ "United ពេលនេះដូច Liverpool កាលប៉ុន្មានឆ្នាំមុនអញ្ចឹង។ ពួកយើងសាងកំហុសដូចពួកគេធ្លាប់ធ្វើពីមុន។ ខ្ញុំមានអារម្មណ៍ អ្នកនៅខាង Liverpool និង Man City កំពុងមើលមកពួកយើងហើយសើច ដូចអ្វីដែលពួកយើងធ្លាប់ធ្វើដាក់ពួកគេកាលពីប៉ុន្មានឆ្នាំមុន"។

Mourinho បានចំណាយអស់៣៥០លានផោនហើយក្នុងការនាំកីឡាករថ្មីចូល ចាប់តាំងពីមកដល់ Old Trafford នៅឆ្នាំ២០១៦ ប៉ុន្តែមិនទាន់ជួយក្រុមឲ្យឈ្នះពានធំណាមួយនៅឡើយទេ។ "ខ្ញុំគិតថា ពួកយើងគួរឲ្យផ្ទេរយក Lionel Messi ក្នុងពេលវេលានេះ ហើយគេនឹងពិបាកជួយក្នុងក្រុមមួយនេះដែរ។ Mourinho នៅតែជាអ្នកចាត់ការអស្ចារ្យម្នាក់។ គ្រប់គ្នារិះគន់ពី១០ប្រកួតដំបូងក្នុងរដូវកាលនេះ តែឆ្នាំមុនគឺស្ថិតក្នុងស្ថានភាពដូចគ្នា។ ហេតុផលដែលយើងបញ្ចប់នៅលេខពីរនៅរដូវកាលមុន ព្រោះតែអ្នកចាំទី David De Gea៕

ប្រភព៖ Goal ប្រែសម្រួល៖ ហេង សុធារិទ្ធិ