- 2018-10-17 03:23:30
- ប្រដាល់
លាភ រដ្ឋា ១ដៃស្ដាំប៉ុន្មានថ្ងៃមុន ជាដៃនាំសំណាង
- 2018-10-17 03:23:30
- ចំនួនមតិ 0 | ចំនួនចែករំលែក 0
លាភ រដ្ឋា ១ដៃស្ដាំប៉ុន្មានថ្ងៃមុន ជាដៃនាំសំណាង
ចន្លោះមិនឃើញ
អ្នកប្រដាល់មកពីបន្ទាយមានជ័យ លាភ រដ្ឋា ថាគ្មានសង្ឃឹមនិងឈ្នះគេទេ ព្រោះអាជ្ញាកណ្ដាលរាប់ដល់៨ម្ដងរួចហើយ ប៉ុន្តែបែរជាហេងវិញវ៉ៃចូលពេញមុខៗ លន បញ្ញា រហូតវង្វេងជាឱកាសបានផ្ដាច់យកពានរង្វាន និងអមទឹកប្រាក់រង្វាន់ ៤ពាន់ដុល្លារ តែម្ដងទៅ។
លាភ រដ្ឋា បានឲ្យដឹងថា សម្រាប់វគ្គផ្ដាច់ព្រ័ត្រពានពានរង្វាន់ទម្ងន់៦០គីឡូក្រាមនេះ ពិតជាពិបាកមែនទែន ព្រោះអីដូចឃើញស្រាប់ហើយ ប៉ះដៃគូខ្ពស់ខ្លាំងពិបាកវ៉ៃ និងចាញ់ជង្គង់តែម្ដង។ ប៉ុន្តែដោយបានប្ដេជ្ញាចិត្តថា ធ្វើឲ្យអស់ពីសមត្ថភាពទោះយ៉ាងណាក៏ដោយត្រូវតែតស៊ូដល់ដំណាក់កាលចុងក្រោយ។
អ្នកប្រដាល់រូបនេះបន្ថែមថា ពិតជាសប្បាយខ្លាំងណាស់ ដែលខ្លួនអាចឈ្នះ លន បញ្ញា ព្រោះអីមិននឹកស្មានឡើយ ខណៈការប្រកួតក៏ចាញ់បង់គេច្រើនមានទាំងអាជ្ញាកណ្ដាលរាប់ទៀតផង។ អាចថាជារឿងសំណាងដែរ ចំពោះការប្ដូរវិញមួយប្រាវវ៉ៃដៃគូឲ្យសន្លប់វិញ កុំអីចាញ់គេបាត់ហើយ។ មុនការប្រកួតគិតថាវ៉ៃក្បាលពោះ និងទាត់ជើងក្រោម ប៉ុន្តែអត់បានផលនោះឡើយ តែមកប្រយោជន៍ពេលវ៉ៃមុខវិញ។
កីឡាករ លាភ រដ្ឋា ក្លាយជាម្ចាស់ពានរង្វាន់ TV5 ប្រភេទទម្ងន់៦០គីឡូក្រាម ក្រោយពីផ្ដួល លន បញ្ញា ឲ្យសន្លប់ក្នុងទឹកទី២ កាលពីថ្ងៃសៅរ៍ ទី១៣ ខែតុលា ឆ្នាំ២០១៨ កន្លងទៅនេះ៕
វីដេអូប្រកួត៖
